Дэлгэрэнгүй
Татаж авах Docx
Дэлгэрэнгүй уншаарай
Төгс Гэгээрсэн Их Багш Чин Хай (веган) 2018 онд уран бүтээлчдийн эрхэм ариун хувь нэмэр, урлагийн асар их нөлөөг үнэлэн 4-р сарын 3-ныг Олон Улсын Уран Бүтээлчдийн Өдөр болгон санаачилсан билээ. Энэ өдөр сэтгэлийг тайтгаруулж, оюун санааг өргөн, дэлхий дахины хүмүүст гоо сайхан, урам зориг, эерэг эрч хүч түгээдэг уран бүтээлчид болон тэдний бүтээлийг алдаршуулдаг. Олон Улсын Уран Бүтээлчдийн тав дахь удаагийн Өдрийг тохиолдуулан Төгс Гэгээрсэн Их Багш Чин Хайн Олон Улсын Нийгэмлэгийн гишүүд (бүгд веган) 2022 оны 4-р сарын 1-нээс 3-нд Формоса гэгддэг Тайванийн Тайбэй Хөгжмийн Төвд гурван өдрийн баяр зохион байгуулсан юм. Баярын хүрээнд дөрөвдүгээр сарын 2-нд хөгжим, бүжиг, сонгодог уламжлалт театрыг хослуулсан сэтгэл татам оюун санааны мюзикл “Гэрэл, Аялгуу ~ Эртний хайр”-ыг толилууллаа. Энэхүү тоглолтод шагналт жүжигчин, найруулагч Суда Вою, нэрт дуучин Чи Юй (цагаан хоолтон), Чү-Чү Вү, Шэлли Юй, Ёкүй Үтау, дуучин, ая зохиогч Цэмэлэсаи Пасасаув, жүжигчин Инэй Цай зэрэг Тайвань (Формоса)-ийн алдарт уран бүтээлчид; Японы ардын бүжигчин Юй-Тань Ван (цагаан хоолтон), нэр хүндтэй Жин-Күнь дуурийн уран бүтээлчид болох Шэн-Фан Гуо, Ян-Чиан Чао, Я-Жиюэнь Янь болон бусад авьяаслаг уран бүтээлчид оролцжээ. Тус арга хэмжээ урлагийн олон сайхан тоглолтоор үзэгчдийг хайр, гоо үзэсгэлэн, хүсэл мөрөөдөл, хүмүүний оюун санааны ертөнцөөр аялуулж, урлагийн олон талт, мөнхийн хүчийг харуулсан юм. Хөтөлбөрийн онцлох хэсэг нь Төгс Гэгээрсэн Их Багш Чин Хайн шүлэг найргуудад тулгуурлан, шагналт хөгжимчин Блэйр Когийн аяыг нь зохиож, авьяаслаг уран бүтээлчдийн дуулсан дуунууд байв. Эдгээр яруу найргийн бүтээлүүдээр дамжуулан толилуулсан тоглолтууд Түүний шүлэг найрагт шингэсэн оюун санааны гүн гүнзгий билиг ухаан, гоо сайхан, урам зоригийг дамжуулсан юм. Хөтөлбөрт мөн Чин гүрний үеийн нэрт зохиолч Цао Сюэчинийн “Улаан асрын зүүд”, Мин гүрний үеийн алдарт жүжгийн зохиолч Тан Сяньзугийн “Хар дарсан зүүдэн дэх цээнэ цэцгийн асар”, “Сүнь Үкүн Тэнгэрийн ордныг үймүүлсэн нь” хэмээх уламжлалт бүжиг зэрэг сонгодог бүтээлүүдээс сэдэвлэсэн хөгжим, тайзны бүтээлүүд багтжээ. Мюзиклийн зохиолч, найруулагч Суда Вою цаг хугацааны шалгуур давсан эдгээр бүтээлүүдээс санаа авч, хайр болон зуурдын ертөнцөөс чинагш аялах сүнсний аяллын тухай мөнхийн сэдвийг тайзнаа амилуулсан юм. Энэ удаа Төгс Гэгээрсэн Их Багш Чин Хайн уран бүтээлийн замналыг эргэн харцгаая. Өнөөдрийн тоглолтын ерөнхий найруулагч, зохиолчоор “Алтан хонх” шагналын театрын олон талт уран бүтээлч шагналыг хүртсэн Суда Воюг тусгайлан урьсан юм. Дорно дахины өнгө аясыг суурь болгон, Бээжин болон Күньчүгийн уламжлалт дуурийг орчин үеийн арга барил, мультимедиатай хослуулж, Төгс Гэгээрсэн Их Багш Чин Хайн сэтгэл хөдөлгөм уран зургуудаар баяжуулснаар неоклассик мультимедиа хөгжмийн театрын хязгааргүй боломжийг нээн харуулна. Олон Улсын Уран Бүтээлчдийн Өдрийн 5 дахь удаагийн арга хэмжээ шинэчлэлээ үргэлжлүүлэн, урлагийн олон талт байдлыг харуулж, дэлхий нийтэд биднийг таниулан, хайр, алдар суугаар бялхсан энэ өдөрт талархах боломж олгож байна. Энэ удаа Тайванийн өнцөг булан бүрээс яруу найрагч, зохиолч, зураач, жүжигчин, дуучин, хөгжимчин, хөгжмийн зохиолч, кино, жүжгийн найруулагч, бүжиг дэглээч, үзүүлбэрийн уран бүтээлч зэрэг авьяасаараа амьдралыг маань гэрэлтүүлдэг бүх салбарын 300 шахам уран бүтээлчийг тусгайлан урьсан юм. Тэднийг алга ташин угтан авцгаая.
