Дэлгэрэнгүй
Татаж авах Docx
Дэлгэрэнгүй уншаарай
(Эрхэм Их Багш аа, Арьяабалын Аргыг дадуулбал бид яагаад сүнсний эмчилгээ хийж болдоггүй вэ?) Энэ асуултыг хаана ч байсан асуух юм.За. Эмч болохоор суралцахыг хүсвэл та түүндээ төвлөрөх хэрэгтэй, тэгвэл та сайн эмч болно. Цаг үргэлж та сувилахуйн ажилтай орооцолдоод байвал сайн эмч болж чадахгүй гэж би эмээж байна, бас та өөрийгөө муу сувилагч болгоно. Бурхан бол цор ганц Анагаагч. Бурханыг таньж мэдсэнээр Бурхантай нэг болсноор Тэр таны ойр орчим ирэх эсвэл таны тухай бодсон, эсвэл таны хайрладаг, эсвэл таныг хайрладаг эсвэл тантай ямар нэг учир холбоотой хүн бүрийг тэр байтугай таны нохой-, муур-, шувуу-хүмүүсийг эдгээх болно. Тантай холбоотой бүгдийг.Бие махбодтой төрөлтнүүд бид хэн нэгэн дээр гараа тавьж өөрсдийгөө хэн нэгэн гэж, бид ийм, тийм хүчтэй гэж нотлох шаардлагагүй, учир нь эдгээр нь богино настай хүчнүүд юм. Эдгээр нь Бурханлагийн доогуур түвшнээс зээлсэн шидийн хүч юм. Бид түүнийг ч бас хийж чадна, гэхдээ тэгвэл бид зээлнэ, тэгвэл хожим бид буцааж өгөх хэрэгтэй. Эмч болохоор суралцах бүх цагаа эмнэлэгт сувилагч болоход зарцуулахтай адил энэ нь таны маш их цагийг дэмий үрэх болно. Тэгвэл та докторт суралцахад зарцуулах ёстой байсан бүх мөнгөө сувилахуйд зарцуулах болно.Хэн нэгнийг эмчлэхийн тулд зээлсэн тэр хүчний төлөө та сүнсний буянаараа төлөх болно. Харин хэн нэгнийг эмчлэхийг Бурханд даатгавал, Тэр зохилтой гэж үзээд эмчлэхийг хүсэхэд, бид Бурханд хийх ёстойг нь буцааж өгч буй юм: хүч ба зөв эмчилгээ. Эзэн Бурхан Есүсийн хувцсанд хэн нэгэн хүрээд эдгэрэхэд Тэр Өөрийгөө эмчилсэн гэж хэлдэггүй. Тэр гараа ч тавиагүй. Тэр байтугай Тэр үүнийг мэдэхгүй байсан. Иймд Тэр “Таны итгэл таныг эдгээсэн” гэж хэлсэн. Тэр “Би хийгээгүй, дотоод дахь Эцэг минь үүнийг хийсэн” гэж хэлсэн.Энэ бол зөв зам. Би та нарт зөв замыг л харуулна. Таны түвшин эгогүй эмчлэхэд хүрсэн гэж мэдэрч байгаа эсэх нь таны мэдэх зүйл, учир нь энэ Арга танд эмчилгээний эгогүй замыг, Хайрын нөхцөл болзолгүй замыг заах болно. Бурхан бүгдийг мэддэг. Бурхан бүгдийг хүссэн үедээ биднээр дамжуулан хийх болно. Энэ бие махбод нь багаж төдий байх болно, энэ бол манай зам юм. Та үүнд бэлэн гэж мэдэрвэл нөгөөхийг орхиорой. Үгүй бол та юу хийхээ мэднэ. Та сонгоно.( “Туйлын зөв ба буруу гэж байдаг уу?”)(“Гэгээрэл яаж агшин зуурын байж болох вэ? Гэгээрэл насан туршийн эрмэлзэл байдаггүй гэж үү? Мөн Та өвдөлтийг амьдралын зайлшгүй хэсэг гэж боддог уу? Гэгээрснээр өвдөлт дуусгавар болдог уу? )Photo Caption: Юу ч байсан, бүх үйлдэл нь Сэтгэлээсээ, Хайраар хийгдсэн бол тэр нь Бурханд таалагддаг.
