Дэлгэрэнгүй
Татаж авах Docx
Дэлгэрэнгүй уншаарай
“Би Солонгосын Дэгүд амьдардаг Католик шашинтан. Хараахан авшиг хүртээгүй. Наймдугаар сарын эхээр би уулсын дундах нэгэн хуучин сүмд нэг сар дияан хийж суулаа. Ууланд байхдаа Их Багшийн номыг хүлээн авсан юм. Уншиж эхлэхээсээ өмнө би Бурханд, ‘Эзэн минь, хэрэв энэ ном Үнэнийг агуулсан бол хүлээн авахыг минь зөвшөөрнө үү’ хэмээн залбирлаа. Мөн би Танд, ‘Таны энэхүү номд миний урт удаан эрэн хайсан тэрхүү Үнэн агуулагдаж буй бол надад тусална уу’ хэмээн залбирсан. Тэгээд би эхний хуудсыг нь нээлээ. Тэр даруйд миний толгой аянга юм уу, цахилгаанд цохиулах мэт маш хүчтэй хариу үйлдэл хүлээн авав. Тэрхүү номыг уншиж байхад нулимс минь өөрийн эрхгүй мэлмэрч байлаа. Бясалгаж байхдаа би тийнхүү Есүс Христтэй уулзаж - Тэр намайг Танд хүлээлгэн өгөв. Та цагаан даашинз, цагаан малгай өмссөн байлаа. Эргэлзээ төрөх даруйд би Эзэн Есүс Христ болон Таны Алдрыг чангаар дуудаж байсан юм. Арав гаруй удаа хэлсний дараа ч Та хоёр хоёул байсаар байв. Та Эзэн Есүс Христ рүү хараад, ‘Хар даа! Шавь Тань ямар их эргэлзэж байна вэ’ гэлээ. Эзэн Есүс үүнийг сонсоод чанга инээлээ. Тэгээд Та над руу хараад, ‘Өнөөдрөөс эхлээд би танд зааж сургах болно’ хэмээн айлдсан юм. Та гэнэт аядуухан хөвсөөр ертөнцийн төвд залран суулаа. Таны заларсан тэрхүү газраас долгион давлагаа адил түгэн тархаж эхэллээ. Толгойн оройноосоо би сүмийн хонх адил (дотоодын Тэнгэрлэг) Аялгууг сонсон тархи толгой маань бүхэлдээ чичирхийлж байв. Та надад, ‘Алгууны Урсгалын чичиргээнд байсаар байгаарай’ гэлээ. Тэгсэн ч энэ хөөрхий үр дахин эргэлзэж эхэллээ. Энэ удаад би чангаар уншиж чадахгүй байсан ч гэсэн дотооддоо Эзэн Есүс Христ болон Төгс Гэгээрсэн Их Багш Чин Хай алдруудыг л уншсаар байсан юм. Та хоёр хоёул тэнд байсаар байв. Та намайг хараад тэргүүнээ сэгсрээд, Эзэн Есүс Христэд хандан, ‘Энэ шавь тань яагаад ийм их эргэлздэг байна вэ?’ гэв. Эзэн Есүс Христ дахиад инээлээ. Толгойд минь Аялгууны Урсгал байсаар л байв. Хонхны дуу чангарсаар, мөн уншсаар л байлаа. Тэгээд би, ‘Миний амьдралыг бүх л төрлийн зовлон, бүтэлгүйтэл дарлан нухачсан. Би тэр бүхнийг шилгээж байна’ гэв. Намайг хэлж дуусуут Их Багш нэхмэл шиг материалтай хар хувцас өмссөн байсан бөгөөд тэрхүү хувцас нь их хүнд байх шиг харагдаж, Та арай гэж алхаж байв. Би үргэлжлүүлэн, ‘Энэ насандаа төрсөн цагаасаа хүмүүстэй үүсгэсэн холбоо хамаарлаас бий болсон энэ бүх зовлон шаналлыг шилгээж байна’ гэв. Тэгэнгүүт Их Багш дундад зууны үеийн цэргийн хуяг дуулга мэт төмөр өмсгөлтэй болов. Маш хүнд харагдлаа. Их Багш хэд алхаад унаж байв. Бороо орж эхэллээ. Би Танд, ‘Бороо орж байна’ гэж хэллээ. Та, ‘Зүйтэй! Бороо бүхнийг сайтар угааж цэвэрлэн шинэ зүйлсийг бий болгодог. Та мөн цэвэрлэгдэнэ' хэмээн айлдлаа. Сэтгэл минь ихэд хөдлөн зүрх сэтгэлээс минь талархал ундарлаа. Би эхлээд Эзэн Есүс Христэд талархан, ‘Эзэн Есүс Христ минь! Танд талархъя. Би хэн ч биш атал Та намайг орхиогүй. Өнөөдөр Та намайг агуу Их амьд сэрүүн Багшид даатган өглөө. Сэтгэл ихэд баярлав. Тандаа хайртай’ гэв. Та Эзэн Есүс Христэд ‘Шавь тань Танд тун үнэнч юм’ гэлээ. Тэр бас л инээв. Хонхны жингэнэх дуу хэдэн өдрийн турш толгойд дугарсаар байсан. Багш аа, Тантайгаа уулзахыг машид ихээр хүсэн тэмүүлж байгааг минь Та мэдэж байгаа нь гарцаагүй. Би Тандаа хэдийнээ маш их хайртай болсон билээ! Би Тандаа итгэдэг! Удахгүй авшиг авахыг би тэсэн ядан хүлээж байгаа. Мөн Багш Таныхаа миний төлөө хийсэн бүх зохицуулалтад баярлаа.” Веган: Диваажингаас ирсэн гэдгийг тань батална. Веган хам нөлөө: Диваажин улам ойр санагдана. Их Багшийн шавь бүр ижил болон өөр, ба/эсвэл илүү их дотоодын сүнслэг ахуй ойлголт, гадаад ертөнцийн адислалтай байдаг Эдгээр нь ердөө цөөн жишээ юм. Бид ихэвчлэн Их Багшийнхаа зааварчилгаагаар энэ бүхнээ дотроо хадгалж явдаг билээ. Илүү гэрчлэлүүдийг үнэгүй татаж авахыг хүсвэл дараах хаягаар зочлоорой SupremeMasterTV.com/to-heaven
