ਸਤਿਗੁਰੂ ਜੀ ਜਵਾਨੀ ਦੇ ਰਾਜੇ ਦਾ ਸਵਾਗਤ ਕਰਦੇ ਹਨ, ਤਿੰਨ ਹਿਸਿਆਂ ਦਾ ਪਹਿਲਾ ਭਾਗ

ਜੀ ਆਇਆਂ ਨੂੰ, ਮਹਾਰਾਜ, ਜਵਾਨੀ ਦੇ ਰਾਜਾ। ਮਾਫ਼ ਕਰਨਾ, ਮੈਂ ਪਿਛਲੀ ਵਾਰ ਨਹੀਂ ਪਹੁੰਚ ਸਕੀ। ਪ੍ਰਮਾਤਮਾ ਦੇ ਨਾਮ ਤੇ, ਇਸ ਨਿਮਰ ਗ੍ਰਹਿ ਦੇ ਸਾਰੇ ਜੀਵਾਂ ਦੇ ਨਾਮ ਤੇ, ਅਸੀਂ ਤੁਹਾਨੂੰ ਸਤਿਕਾਰ, ਪਿਆਰ ਅਤੇ ਸਵਾਗਤਯੋਗ ਗਲੇ ਨਾਲ ਨਮਸਕਾਰ ਕਰਦੇ ਹਾਂ। ਮੇਰੇ ਅਤੇ ਬਿਲੀਅਨਜ਼, ਟ੍ਰੀਲੀਅਨਜ਼ ਹੋਰ ਜੀਵਾਂ ਦੇ ਇਸ ਨਿਮਰ ਨਿਵਾਸ ਸਥਾਨ 'ਤੇ ਆਉਣ ਲਈ ਤੁਹਾਡਾ ਧੰਨਵਾਦ। ਇਕ ਇੰਨੀ ਦੂਰ ਦੀ ਜਗ੍ਹਾ ਤੋਂ ਆਉਣ ਲਈ ਤੁਹਾਡਾ ਬਹੁਤ ਧੰਨਵਾਦ। ਤੁਹਾਡੇ ਅਧਿਆਤਮਿਕ ਹੋਂਦ ਦੇ ਪੱਧਰ ਤੋਂ ਸਾਡੇ ਗ੍ਰਹਿ ਤੱਕ ਕਿੰਨੀ ਦੂਰ ਹੈ? ਤੁਹਾਨੂੰ ਕਿੰਨੀ ਦੂਰੀ ਤੈਅ ਕਰਨੀ ਪਈ? ਕਿਰਪਾ ਕਰਕੇ ਸਾਨੂੰ ਦੱਸੋ।

ਰਾਜੇ ਨੇ ਕਿਹਾ ਕਿ ਸਾਡੇ ਅਤੇ ਮਹਾਰਾਜ ਦੇ ਅਧਿਆਤਮਿਕ ਰਾਜ ਵਿਚਕਾਰ ਲਗਭਗ ਦਸ ਜ਼ੀਲੀਅਨ ਪ੍ਰਕਾਸ਼ ਸਾਲ ਦਾ ਫ਼ਾਸਲਾ ਹੈ। ਵਾਹ, ਇਹ ਤਾਂ ਬਹੁਤ ਹੀ ਦੂਰ ਹੈ। ਸਾਡੇ ਵਿੱਚੋਂ ਬਹੁਤ ਸਾਰੇ ਲੋਕ ਕਲਪਨਾ ਨਹੀਂ ਕਰ ਸਕਦੇ ਕਿ ਇਹ ਕਿੰਨਾ ਦੂਰ ਹੋ ਸਕਦਾ ਹੈ। ਜਿਵੇਂ ਬੁੱਧ ਹਮੇਸ਼ਾ ਗੰਗਾ ਨਦੀ ਦੀ ਰੇਤ ਦੀ ਵਰਤੋਂ ਕਰਕੇ ਲੰਬੀ ਦੂਰੀ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰਦੇ ਸਨ। ਕਲਪਨਾ ਕਰੋ ਕਿ ਤੁਸੀਂ ਗੰਗਾ ਨਦੀ ਵਿੱਚ ਕਿੰਨੀ ਰੇਤ ਗਿਣ ਸਕਦੇ ਹੋ। ਫਿਰ ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਇੱਥੋਂ ਜਵਾਨੀ ਦੇ ਰਾਜੇ ਦੇ ਹੋਂਦ ਦੇ ਖੇਤਰ ਤੱਕ ਕਿੰਨੀ ਦੂਰ ਹੈ। ਜਿਵੇਂ ਬੁੱਧ ਦੂਰੀ ਨੂੰ ਸਮਝਾਉਣਾ ਚਾਹੁੰਦੇ ਸਨ, ਇਸ ਗ੍ਰਹਿ ਅਤੇ ਮੈਡੀਸਨ ਰਾਜਾ ਬੁੱਧ ਦੇ ਅਧਿਆਤਮਿਕ ਪਵਿੱਤਰ ਨਿਵਾਸ ਦੇ ਤਲ ਵਿਚਕਾਰ ਅਵਿਸ਼ਵਾਸ਼ਯੋਗ, ਕਲਪਨਾਯੋਗ ਦੂਰੀ। ਇਹ ਲਗਭਗ ਦਸ ਤੋਂ ਵੱਧ ਹੈ... ਮੈਨੂੰ ਯਾਦ ਕਰਨ ਦਿਓ। ਗੰਗਾ ਨਦੀ ਦੀ ਰੇਤ ਤੋਂ ਲਗਭਗ 10 ਗੁਣਾ।

ਮੈਡੀਸਨ ਮਾਸਟਰ ਵੈਦੁਰਯਾ ਪ੍ਰਕਾਸ਼ ਤਥਾਗਤ ਦੇ ਪਿਛਲੇ ਵਚਨਾਂ ਦੇ ਗੁਣ ਅਤੇ ਗੁਣ ਦੇ ਸੂਤਰ ਤੋਂ ਅੰਸ਼, ਅਧਿਆਇ 1 "ਬੁੱਧ ਨੇ ਮੰਜੂਸ਼੍ਰੀ ਨੂੰ ਕਿਹਾ, 'ਇੱਥੋਂ ਪੂਰਬ ਵੱਲ ਲੰਘਣਾ, ਦਸ ਗੰਗਾ ਨਦੀਆਂ ਵਿੱਚ ਰੇਤ ਦੇ ਕਿਣਕਿਆਂ ਵਾਂਗ ਅਣਗਿਣਤ ਬੁੱਧ ਭੂਮੀਆਂ ਤੋਂ ਪਰੇ, ਇੱਕ ਸੰਸਾਰ ਹੈ ਜਿਸਨੂੰ "ਸ਼ੁੱਧ ਵੈਦੁਰਯਾ" ਕਿਹਾ ਜਾਂਦਾ ਹੈ। ਉੱਥੇ ਬੁੱਧ ਦਾ ਨਾਮ ਮੈਡੀਸਨ ਮਾਸਟਰ ਵੈਦੁਰਯਾ ਪ੍ਰਕਾਸ਼ ਤਥਾਗਤ ਹੈ, ਸਹੀ ਅਤੇ ਬਰਾਬਰ ਗਿਆਨ ਵਾਲਾ, ਸਮਝ ਅਤੇ ਅਭਿਆਸ ਵਿੱਚ ਸੰਪੂਰਨ, ਬਹੁਤ ਪਹਿਲਾਂ ਵਾਲਾ, ਸੰਸਾਰ ਨੂੰ ਸਮਝਣ ਵਾਲਾ, ਸਰਵਉੱਚ ਪ੍ਰਭੂ, ਨਿਯਮਕ ਨਾਇਕ, ਦੇਵਤਿਆਂ ਅਤੇ ਮਨੁੱਖਾਂ ਦਾ ਗੁਰੂ, ਬੁੱਧ, ਭਗਵਾਨ। ਮੰਜੂਸ਼੍ਰੀ, ਜਦੋਂ ਉਹ ਸੰਸਾਰ ਸਨਮਾਨਿਤ, ਮੈਡੀਸਨ ਮਾਸਟਰ ਵੈਦੁਰਯਾ ਪ੍ਰਕਾਸ਼ ਤਥਾਗਤ, ਪਿਛਲੇ ਸਮੇਂ ਵਿੱਚ ਬੋਧੀਸਤਵ ਮਾਰਗ ਦਾ ਅਭਿਆਸ ਕਰ ਰਿਹਾ ਸੀ, ਤਾਂ ਉਸਨੇ ਬਾਰਾਂ ਮਹਾਨ ਪ੍ਰਤਿੱਗਿਆਵਾਂ ਕੀਤੀਆਂ ਜੋ ਸਾਰੇ ਸੰਵੇਦਨਸ਼ੀਲ ਜੀਵਾਂ ਨੂੰ ਉਹ ਪ੍ਰਾਪਤ ਕਰਨ ਦੇ ਯੋਗ ਬਣਾਉਂਦੀਆਂ ਹਨ ਜੋ ਉਹ ਚਾਹੁੰਦੇ ਹਨ।'"

ਵਾਹ, ਕਲਪਨਾ ਕਰੋ! ਕੀ ਅਸੀਂ ਇਸਨੂੰ ਗਿਣ ਵੀ ਸਕਦੇ ਹਾਂ? ਬੁੱਧ ਦਾ ਮਤਲਬ ਸੀ ਕਿ ਇਹ ਸਪੇਸ ਅਤੇ ਸਮੇਂ ਵਿੱਚ ਇਕ ਬਹੁਤ ਲੰਮੀ ਦੂਰੀ ਹੈ। ਮਹਾਰਾਜ ਦਾ ਨਾਮ FU, F-U ਹੈ। ਅਤੇ ਉਸਦੇ ਅਧਿਆਤਮਿਕ ਖੇਤਰ ਦਾ ਨਾਮ WY, W-Y ਹੈ, ਇਸਦਾ ਅਰਥ ਹੈ ਜਵਾਨੀ। ਅਸੀਂ ਮਹਾਰਾਜ ਦਾ ਸਵਾਗਤ ਕਰਦੇ ਹਾਂ। ਮੈਂ ਖੁਦ ਵੀ ਬਹੁਤ ਖੁਸ਼ ਅਤੇ ਭਾਗਸ਼ਾਲੀ ਮਹਿਸੂਸ ਕਰਦੀ ਹਾਂ ਕਿ ਤੁਸੀਂ ਸਾਡੇ ਕੋਲ ਆਏ। ਕਿਉਂਕਿ ਤੁਹਾਡੇ ਅਧਿਆਤਮਿਕ, ਪਵਿੱਤਰ ਖੇਤਰ ਦੇ ਮੁਕਾਬਲੇ, ਅਸੀਂ ਸੱਚਮੁੱਚ ਕੁਝ ਵੀ ਨਹੀਂ ਹਾਂ। ਤਾਂ ਫਿਰ ਵੀ, ਤੁਸੀਂ ਆਪਣਾ ਸਮਾਂ ਕੱਢਿਆ ਹੈ ਅਤੇ ਸਾਰੀ ਅਸੁਵਿਧਾ ਨੂੰ ਸਹਿਣ ਕੀਤਾ ਹੈ, ਆਪਣੇ ਆਰਾਮ ਨੂੰ ਤਿਆਗ ਕੇ ਸਾਡੇ ਕੋਲ ਆਏ ਹੋ। ਅਸੀਂ ਤੁਹਾਡਾ ਫਿਰ ਧੰਨਵਾਦ ਕਰਦੇ ਹਾਂ। ਕੀ ਕੋਈ ਅਜਿਹੀ ਗੱਲ ਹੈ ਜੋ ਤੁਸੀਂ ਸਾਡੇ ਨਾਲ, ਇਸ ਧਰਤੀ ਦੇ ਲੋਕਾਂ ਨਾਲ ਸਾਂਝੀ ਕਰਨਾ ਚਾਹੁੰਦੇ ਹੋ? ਹਾਂਜੀ? ਕਿਰਪਾ ਕਰਕੇ ਦੱਸੋ।

ਰਾਜਾ ਨੇ ਕਿਹਾ, "ਤੁਸੀਂ, ਬਿਨਾਂ ਕਿਸੇ ਪ੍ਰਸਿੱਧੀ ਅਤੇ ਮੁਨਾਫ਼ੇ ਦੀ ਇੱਛਾ ਦੇ, ਸਾਡੀ ਪੂਜਾ ਅਤੇ ਪ੍ਰਸ਼ੰਸਾ ਦੇ ਯੋਗ ਹੋ। ਇਸ ਲਈ, ਸਾਨੂੰ ਇੱਥੇ ਤੁਹਾਡੇ ਕੋਲ ਆਉਣ ਦਾ ਮਾਣ ਮਹਿਸੂਸ ਹੋ ਰਿਹਾ ਹੈ।" ਓਹ, ਨਹੀਂ, ਨਹੀਂ, ਸਰ। ਸਰ, ਅਤੇ ਤੁਹਾਡਾ ਸੇਵਕ ਵਰਗ, ਕਿਰਪਾ ਕਰਕੇ ਸਰਬਸ਼ਕਤੀਮਾਨ ਪ੍ਰਮਾਤਮਾ ਦੀ ਪੂਜਾ ਕਰੋ, ਮੇਰਾ MAPA, ਮੇਰਾ ਇੱਕ ਅਤੇ ਇੱਕੋ ਇੱਕ ਪੂਜਾ-ਯੋਗ। ਪਰ ਤੁਹਾਡੇ ਪਵਿੱਤਰ ਅਸ਼ੀਰਵਾਦ ਦੇ ਸ਼ਬਦਾਂ ਲਈ ਤੁਹਾਡਾ ਬਹੁਤ ਧੰਨਵਾਦ। ਸਰਬਸ਼ਕਤੀਮਾਨ ਪ੍ਰਮਾਤਮਾ ਦੇ ਨਾਮ ਤੇ ਅਤੇ ਇਸ ਗ੍ਰਹਿ ਦੇ ਇਹਨਾਂ ਨਿਵਾਸੀਆਂ ਦੇ ਨਾਮ ਤੇ, ਅਸੀਂ ਤੁਹਾਡਾ ਧੰਨਵਾਦ ਕਰਦੇ ਹਾਂ। ਅਤੇ ਅਸੀਂ ਤੁਹਾਡੇ ਲਈ ਆਪਣਾ ਪਿਆਰ, ਆਪਣੀ ਪ੍ਰਸ਼ੰਸਾ, ਆਪਣਾ ਧੰਨਵਾਦ ਭੇਜਦੇ ਹਾਂ, ਮਹਾਰਾਜ ਜੀ, ਤੁਹਾਡੀ ਇੱਥੇ ਸੇਵਕ ਵਰਗ, ਅਤੇ ਨਾਲ ਹੀ ਤੁਹਾਡੇ ਸਾਰੇ...

ਅਚਾਨਕ ਵਿਰਾਮ, ਜੋਸ਼ੀਲੇ ਭੂਤਾਂ ਦੇ ਟੋਲੇ ਦੁਆਰਾ ਭੜਕਾਈ-ਗਈ "ਲੜਾਈ" ਦੇ ਕਾਰਨ। 1 ਘੰਟਾ ਕੁਝ ਮਿੰਟ ਬਾਅਦ, ਹੋ ਗਿਆ ਪਰ ਥੱਕ ਗਈ.... ਮੈਂ ਆਰਾਮ ਕੀਤਾ, ਉੱਠਣਾ ਨਹੀਂ ਚਾਹੁੰਦੀ ਸੀ, ਪਰ ਇੱਥੇ ਅਤੇ ਨਰਕ ਵਿੱਚ ਸੜ-ਰਹੀਆਂ ਰੂਹਾਂ ਬਾਰੇ ਸੋਚ ਕੇ ਮੈਂ ਉੱਠੀ ਅਤੇ ਜਵਾਨੀ ਦੇ ਰਾਜੇ ਨੂੰ ਸਾਡੀ ਗੱਲਬਾਤ ਜਾਰੀ ਰੱਖਣ ਲਈ ਕਿਹਾ। ਖੈਰ, ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਕੱਲ੍ਹ ਇੱਕ ਹੋਰ ਵੱਖਰਾ ਦਿਨ ਹੈ!

ਰੁਕਾਵਟ ਲਈ ਮਾਫ਼ ਕਰਨਾ, ਮਹਾਰਾਜ, ਜਵਾਨੀ ਦੇ ਰਾਜਾ। ਕਿਰਪਾ ਕਰਕੇ, ਕੀ ਅਸੀਂ ਜਾਰੀ ਰੱਖ ਸਕਦੇ ਹਾਂ? ਹੈਂਜੀ? ਤੁਹਾਡਾ ਧੰਨਵਾਦ। ਤੁਸੀਂ ਮੇਰੀ ਸਥਿਤੀ ਨੂੰ ਵੀ ਸਮਝਦੇ ਹੋ ਅਤੇ ਹੁਣੇ ਗੱਲਬਾਤ ਦੇ ਵਿਚਕਾਰ ਰੁਕਣ ਲਈ ਮੈਨੂੰ ਮਾਫ਼ ਕਰਨਾ। ਰਾਜੇ ਨੇ ਕਿਹਾ, "ਇਹ ਤੁਹਾਡਾ ਕਸੂਰ ਨਹੀਂ ਹੈ। ਦੁਨੀਆਂ ਦੇ ਕਰਮ ਤੁਹਾਨੂੰ ਬਹੁਤ ਤਸੀਹੇ ਦਿੰਦੇ ਹਨ।" ਸਰ, ਮੇਰੀ ਚਿੰਤਾ ਨਾ ਕਰੋ। ਕਿਰਪਾ ਕਰਕੇ, ਮੈਨੂੰ ਤੁਹਾਡੇ ਨਾਲ ਜਾਰੀ ਰੱਖਣ ਦੀ ਆਗਿਆ ਦਿਓ। ਕਿਰਪਾ ਕਰਕੇ, ਇਸ ਦੁਨੀਆਂ ਵਿੱਚ ਤੁਹਾਡੀ ਮਹਾਨ ਫੇਰੀ ਦਾ ਕੀ ਮਕਸਦ ਹੈ? ਰਾਜੇ ਨੇ ਕਿਹਾ, "ਇਹ ਤੁਹਾਡੇ ਨਾਲ ਗੱਲ ਕਰਨਾ ਹੈ, ਤੁਹਾਨੂੰ ਨਿੱਜੀ ਤੌਰ 'ਤੇ ਮਿਲਣਾ ਹੈ ਅਤੇ ਤੁਹਾਡੀਆਂ ਬਹੁਤ ਸਾਰੀਆਂ ਜਿੱਤਾਂ ਲਈ ਤੁਹਾਨੂੰ ਵਧਾਈ ਦੇਣਾ ਹੈ, ਖਾਸ ਕਰਕੇ ਬਹੁਤ ਸਾਰੀਆਂ ਸ਼ਾਂਤੀ ਤਰੱਕੀਆਂ ਅਤੇ ਜਿੱਤਾਂ ਲਈ।" ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ, ਮਹਾਰਾਜ। ਤੁਹਾਡਾ ਧੰਨਵਾਦ ।

ਇਸ ਦੁਨੀਆਂ ਦੇ ਨਿਰੰਤਰ ਬਚਾਅ ਲਈ ਤੁਸੀਂ ਸਾਨੂੰ ਕੋਈ ਸਲਾਹ ਦੇ ਸਕਦੇ ਹੋ, ਕਿਰਪਾ ਕਰਕੇ ਦੱਸੋ। ਰਾਜਾ ਬੋਲਿਆ, "ਓਹ, ਹਾਂਜੀ। ਕੁਝ ਸਾਂਝਾ ਕਰ ਸਕਦਾ ਹਾਂ।" ਰਾਜਾ ਬੋਲਿਆ, "ਦੁਬਾਰਾ, ਤੇਰੀ ਗਲਤੀ ਨਹੀਂ, ਸਗੋਂ ਸੰਸਾਰਕ ਕਰਮ ਤੁਹਾਨੂੰ ਥੱਕਾਉਂਦੇ ਹਨ। ਫਿਰ ਵੀ, ਜੇਕਰ ਤੁਸੀਂ ਗੱਲਬਾਤ ਜਾਰੀ ਰੱਖਣਾ ਚਾਹੁੰਦੇ ਹੋ, ਤਾਂ ਅਸੀਂ ਕਰ ਸਕਦੇ ਹਾਂ। ਸਾਨੂੰ ਅਫ਼ਸੋਸ ਹੈ ਕਿ ਤੁਹਾਨੂੰ ਇੰਨਾ ਕੁਝ ਸਹਿਣਾ ਪੈ ਰਿਹਾ ਹੈ।" ਓਹ, ਨਹੀਂ, ਸਰ, ਨਹੀਂ, ਸਰ। ਮੈਨੂੰ ਤੁਹਾਡੇ ਨਾਲ ਗੱਲ ਕਰਨ ਦਾ ਮੌਕਾ ਮਿਲ ਕੇ ਬਹੁਤ ਖੁਸ਼ੀ ਹੋ ਰਹੀ ਹੈ। ਹੁਣ ਵੀ, ਮੈਂ ਜਾਰੀ ਰੱਖਣਾ ਚਾਹੁੰਦੀ ਹਾਂ, ਭਾਵੇਂ ਤੁਸੀਂ ਮੈਨੂੰ ਕੱਲ੍ਹ ਤੋਂ ਗੱਲ ਸ਼ੁਰੂ ਕਰਨ ਦੀ ਇਜਾਜ਼ਤ ਦਿੱਤੀ ਹੈ... ਹੁਣੇ ਹੀ ਰੁਕਾਵਟ ਅਤੇ ਅਚਾਨਕ ਹੋਈ ਗੜਬੜੀ ਦੇ ਕਾਰਨ। ਅਸੀਂ ਜਿੰਨਾ ਹੋ ਸਕੇ ਜਾਰੀ ਰੱਖਾਂਗੇ। ਕੌਣ ਜਾਣਦਾ ਹੈ ਕਿ ਕੱਲ੍ਹ ਕੀ ਲੈ ਕੇ ਆਵੇਗਾ।

ਮੈਨੂੰ ਅਫ਼ਸੋਸ ਹੈ ਕਿ ਤੁਸੀਂ ਇੱਥੇ ਆਏ ਹੋ ਅਤੇ ਸਾਡੇ ਕੋਲ ਪੇਸ਼ਕਸ਼ ਕਰਨ ਲਈ ਬਹੁਤ ਕੁਝ ਨਹੀਂ ਹੈ। ਅਤੇ ਤੁਹਾਡੇ ਪਵਿੱਤਰ ਅਤੇ ਸ਼ਾਨਦਾਰ ਨਿਵਾਸ ਸਥਾਨ ਤੋਂ, ਜਿੱਥੇ ਕੋਈ ਵੀ ਨਕਾਰਾਤਮਕ ਸ਼ਬਦ ਮੌਜੂਦ ਨਹੀਂ ਹੈ, ਕਿਸੇ ਵੀ ਨਿਸ਼ਾਨੀ ਦਾ ਜ਼ਿਕਰ ਕਰਨ ਤਾਂ ਦੂਰ ਦੀ ਗਲ ਹੈ, ਅਜਿਹੀ ਨੀਵੀਂ ਕਿਸਮ ਦੀ ਕੋਈ ਕਾਰਵਾਈ ਨਹੀਂ! - ਤੁਹਾਨੂੰ ਇੱਥੇ ਅਜਿਹੀ ਇਕ ਟੁੱਟੀ-ਹੋਈ ਦੁਨੀਆਂ ਦਾ ਦੌਰਾ ਕਰਨ ਲਈ ਆਉਣਾ ਪਿਆ ਜਿੱਥੇ ਅਜੇ ਵੀ ਬਹੁਤ ਦਰਦ ਅਤੇ ਦੁੱਖ ਚੱਲ ਰਹੇ ਹਨ। ਮੈਨੂੰ ਨਿਮਰਤਾ ਅਤੇ ਸ਼ਰਮ ਮਹਿਸੂਸ ਹੋ ਰਹੀ ਹੈ ਕਿ ਤੁਹਾਨੂੰ ਅਜਿਹੀਆਂ ਸਾਰੀਆਂ ਚੀਜ਼ਾਂ ਦੇਖਣੀਆਂ ਪੈ ਰਹੀਆਂ ਹਨ। ਸਾਨੂੰ ਮਾਫ਼ ਕਰ ਦਿਓ, ਪ੍ਰਮਾਤਮਾ ਦੀ ਕਿਰਪਾ ਨਾਲ। ਤੁਹਾਡਾ ਧੰਨਵਾਦ, ਸਰ। ਜਵਾਨੀ ਦੇ ਰਾਜੇ ਨੇ ਅੱਗੇ ਕਿਹਾ, "ਡਰੋ ਨਾ। ਸ਼ਾਂਤੀ ਆਵੇਗੀ।" ਤੁਹਾਡਾ ਧੰਨਵਾਦ, ਸਰ।

"ਅਸੀਂ ਸ਼ਾਂਤੀ ਅਤੇ ਸਦਭਾਵਨਾ ਨਾਲ ਆਏ ਹਾਂ, ਅਤੇ ਸਾਡੇ ਕੋਲ ਤੁਹਾਡੇ ਲਈ ਇੱਕ ਤੋਹਫ਼ਾ ਹੈ।" ਤੁਹਾਡਾ ਧੰਨਵਾਦ, ਮਹਾਰਾਜ ਜੀ। ਮੇਰੀ ਤੁਹਾਨੂੰ ਭੇਟ ਕਰਨ ਲਈ ਸਿਰਫ਼ ਇੱਕ ਹੀ ਇੱਛਾ ਹੈ: ਕਿ ਤੁਸੀਂ ਅਤੇ ਤੁਹਾਡਾ ਪਵਿੱਤਰ ਅਧਿਆਤਮਿਕ ਖੇਤਰ ਹਮੇਸ਼ਾ, ਹਮੇਸ਼ਾ ਅਤੇ ਹਮੇਸ਼ਾ ਲਈ ਸ਼ਾਂਤੀ, ਜਵਾਨੀ, ਖੁਸ਼ੀ, ਅਨੰਦ ਵਿੱਚ ਜੀਉਂਦੇ ਰਹੋ। ਆਮੇਨ। ਰਾਜਾ ਬੋਲਿਆ, "ਤੁਹਾਡਾ ਧੰਨਵਾਦ। ਅਤੇ ਤੁਹਾਡੇ ਲਈ ਤੋਹਫ਼ਾ ਹੈ..." ਸਰ, ਇਹ ਮੇਰੇ ਲਈ ਨਿੱਜੀ ਹੈ ਜਾਂ ਦੁਨੀਆਂ ਲਈ? "ਤੁਹਾਡੇ ਲਈ ਨਿੱਜੀ ਤੌਰ 'ਤੇ।" ਓ ਵਾਹ, ਸਰ। ਮੈਨੂੰ ਨਹੀਂ ਪਤਾ ਕਿ ਮੈਂ ਇਸਦੇ ਯੋਗ ਹਾਂ ਜਾਂ ਨਹੀਂ, ਪਰ ਤੁਹਾਡਾ ਧੰਨਵਾਦ। "ਅਸੀਂ ਤੁਹਾਨੂੰ ਜੋ ਤੋਹਫ਼ਾ ਦਿੰਦੇ ਹਾਂ ਉਹ ਹੈ..." ਰਾਜਾ ਚਾਹੁੰਦਾ ਹੈ ਕਿ ਮੈਂ ਇਸ ਤੋਹਫ਼ੇ ਨੂੰ ਗੁਪਤ ਰੂਪ ਵਿੱਚ ਆਪਣੇ ਕੋਲ ਰੱਖਾਂ, ਅਤੇ ਮੈਂ ਉਸਦੀ ਇੱਛਾ ਦੀ ਪਾਲਣਾ ਕਰਾਂਗੀ।

ਸਰ, ਤੁਹਾਡੀ ਦਿਆਲਤਾ ਅਤੇ ਉਦਾਰਤਾ ਲਈ ਤੁਹਾਡਾ ਬੇਅੰਤ ਧੰਨਵਾਦ। ਪ੍ਰਮਾਤਮਾ ਤੁਹਾਨੂੰ ਅਤੇ ਤੁਹਾਡੇ ਲੋਕਾਂ ਨੂੰ ਹਮੇਸ਼ਾ ਪਿਆਰ ਕਰੇ, ਤੁਹਾਡੀ ਅਤੇ ਤੁਹਾਡੇ ਲੋਕਾਂ ਦੀ ਰੱਖਿਆ ਕਰੇ, ਤੁਹਾਨੂੰ ਅਤੇ ਤੁਹਾਡੇ ਲੋਕਾਂ ਨੂੰ ਉਹ ਸਭ ਕੁਝ ਦੇਵੇ ਜੋ ਸਭ ਤੋਂ ਵਧੀਆ ਹੈ। ਆਮੇਨ। ਮੈਂ ਤੁਹਾਨੂੰ ਆਪਣੇ ਸਾਰੇ ਪਿਆਰ, ਅਤੇ ਸ਼ੁਕਰਗੁਜ਼ਾਰੀ ਅਤੇ ਦੋਸਤੀ ਨਾਲ ਗਲੇ ਲਗਾਉਂਦੀ ਹਾਂ, ਸਰਬਸ਼ਕਤੀਮਾਨ ਪ੍ਰਮਾਤਮਾ ਦੀ ਕਿਰਪਾ ਹੇਠ, ਜੋ ਕਿ ਸਭ ਤੋਂ ਮਹਾਨ ਹੈ, ਜਿਸ ਕੋਲ ਬਹੁਤ ਅਤਿਅੰਤ, ਅਤਿਅੰਤ, ਅਤਿਅੰਤ ਸ਼ਕਤੀ ਹੈ ਅਤੇ ਕੋਈ ਵੀ ਪ੍ਰਮਾਤਮਾ ਦੇ ਸਮਾਨਾਂਤਰ ਕਿਸੇ ਵੀ ਸਥਿਤੀ ਵਿੱਚ ਨਹੀਂ ਹੈ। ਅਸੀਂ ਹਮੇਸ਼ਾ ਲਈ ਪ੍ਰਮਾਤਮਾ ਨੂੰ ਪਿਆਰ ਕਰਦੇ ਹਾਂ।

ਤੁਸੀਂ ਇੱਥੇ ਇੱਕ ਇੰਨੇ ਲੰਬੇ ਸਫ਼ਰ 'ਤੇ ਆਏ ਹੋ। ਤੁਸੀਂ ਇੱਥੇ ਆਉਣ ਲਈ ਆਪਣੇ ਸੇਵਕ ਵਰਗ ਨਾਲ ਕਿਹੜਾ ਸਾਜ਼ੋ-ਸਾਮਾਨ ਵਰਤਦੇ ਹੋ? ਅਤੇ ਕੀ ਤੁਸੀਂ ਇਸ ਵਿੱਚ ਸੁਰੱਖਿਅਤ ਹੋ? ਅਤੇ ਕੀ ਤੁਸੀਂ ਘਰ ਵਾਪਸ ਆਉਣ 'ਤੇ ਇਸ ਨਾਲ ਸੁਰੱਖਿਅਤ ਹੋ? ਰਾਜਾ ਬੋਲਿਆ, "ਓਹ ਹਾਂਜੀ, ਓਹ ਹਾਂਜੀ।" ਸਾਡੇ ਕੋਲ ਇੱਥੇ ਆਉਣ ਲਈ ਬਹੁਤ ਹੀ ਉੱਤਮ, ਸ਼ਾਨਦਾਰ ਉਪਕਰਣ ਹਨ। ਨਹੀਂ ਤਾਂ, ਅਸੀਂ ਕਦੇ ਵੀ ਧਰਤੀ ਗ੍ਰਹਿ ਤੱਕ ਨਹੀਂ ਪਹੁੰਚ ਸਕਾਂਗੇ।" ਇਹ ਕਿਹੋ ਜਿਹਾ ਸਾਜ਼ ਹੈ, ਸਰ? ਕੀ ਅਸੀਂ ਇਸਦੀ ਤੁਲਨਾ ਇਸ ਦੁਨੀਆਂ ਦੀ ਕਿਸੇ ਵੀ ਚੀਜ਼ ਨਾਲ ਕਰ ਸਕਦੇ ਹਾਂ? "ਨਹੀਂ, ਨਹੀਂ।" ਰਾਜਾ ਬੋਲਿਆ, "ਨਹੀਂ। ਪਰ ਹੋ ਸਕਦਾ ਹੈ ਕਿ ਜੇਕਰ ਤੁਹਾਡੀ ਦੁਨੀਆਂ ਸੱਚਮੁੱਚ ਦਿਆਲੂ ਜੀਵਨ ਸ਼ੈਲੀ ਦੁਆਰਾ ਹੋਰ ਉੱਚੀ ਹੋ ਜਾਵੇ, ਤਾਂ ਤੁਸੀਂ ਇੱਕ ਦਿਨ ਉਸ ਮਹਾਨ ਸ਼ਕਤੀ ਨੂੰ ਪ੍ਰਾਪਤ ਕਰਨ ਦੇ ਯੋਗ ਹੋਵੋਗੇ ਕਿ ਤੁਸੀਂ ਬਹੁਤ ਸਾਰੀਆਂ, ਬਹੁਤ ਸਾਰੀਆਂ ਅਦਭੁਤ ਚੀਜ਼ਾਂ ਬਣਾ ਸਕਦੇ ਹੋ, ਅਤੇ ਕੌਣ ਜਾਣਦਾ ਹੈ, ਹੋ ਸਕਦਾ ਹੈ ਕਿ ਇੱਕ ਦਿਨ ਤੁਸੀਂ ਅਤੇ ਤੁਹਾਡੇ ਲੋਕ ਸਾਨੂੰ ਮਿਲਣ ਵੀ ਆ ਸਕਦੇ ਹੋ।" ਵਾਹ, ਇਹ ਇੱਕ ਬਹੁਤ ਹੀ, ਬਹੁਤ ਹੀ, ਬਹੁਤ ਹੀ ਪਰੀ-ਕਹਾਣੀ ਵਰਗਾ ਸੁਪਨਾ ਹੋਵੇਗਾ।

ਅਤੇ ਇਹ ਕਿਸ ਤਰ੍ਹਾਂ ਦਾ ਸਾਜ਼ ਹੈ? ਕੀ ਇਹ ਉਹਨਾਂ UFOs ਵਰਗਾ ਹੈ ਜੋ ਅਸੀਂ ਕਦੇ-ਕਦੇ ਦੇਖਦੇ ਹਾਂ? ਰਾਜੇ ਨੇ ਕਿਹਾ, "ਓਹ ਨਹੀਂ, ਇਸ ਤੋਂ ਕਿਤੇ ਜ਼ਿਆਦਾ, ਬਹੁਤ ਜ਼ਿਆਦਾ ਉੱਨਤ।" ਵਾਹ! ਸੁਪਨਿਆਂ ਦੀ ਦੁਨੀਆਂ, ਹੈ ਨਾ? ਸਾਨੂੰ ਦੱਸਣ ਲਈ ਤੁਹਾਡਾ ਧੰਨਵਾਦ। ਤੁਹਾਨੂੰ ਆਪਣੇ ਖੇਤਰ ਤੋਂ ਇੱਥੇ ਆਉਣ ਵਿੱਚ ਕਿੰਨਾ ਸਮਾਂ ਲੱਗਿਆ, ਸਰ? "ਇਸਨੂੰ 90 ਦਿਨ ਲੱਗੇ," ਰਾਜੇ ਨੇ ਕਿਹਾ। ਨੱਬੇ ਦਿਨ। ਇਹ ਤਿੰਨ ਮਹੀਨੇ ਲੰਬਾ ਹੈ। ਵਾਹ। ਵਾਹ। ਕਿਉਂ, ਸਰ, ਤੁਹਾਡਾ ਧੰਨਵਾਦ, ਇਸ ਤਰ੍ਹਾਂ ਦੀ ਇੱਕ ਯਾਤਰਾ ਕਰਨ ਲਈ, ਖਾਸ ਤੌਰ 'ਤੇ ਸਾਨੂੰ ਇਸ ਤਰ੍ਹਾਂ ਨਿਜ਼ੀ ਤੌਰ ਤੇ ਮਿਲਣ ਲਈ। ਅਸੀਂ ਹਮੇਸ਼ਾ ਲਈ ਧੰਨਵਾਦੀ ਹਾਂ। ਤੁਹਾਡਾ ਪਿਆਰ, ਤੁਹਾਡਾ ਆਸ਼ੀਰਵਾਦ, ਅਤੇ ਤੁਹਾਡੀਆਂ ਸ਼ੁਭਕਾਮਨਾਵਾਂ ਪ੍ਰਾਪਤ ਕਰਕੇ ਮੈਂ ਬਹੁਤ ਖੁਸ਼ ਹਾਂ। ਪ੍ਰਮਾਤਮਾ ਤੁਹਾਨੂੰ ਹੋਰ ਵੀ ਅਸੀਸ ਦੇਵੇ।

Photo Caption: “ਕੁਦਰਤ ਛੋਟੇ ਤੋਂ ਸੁਹਜ ਪੈਦਾ ਕਰ ਸਕਦੀ ਹੈ”

ਫੋਟੋ ਡਾਊਨਲੋਡ ਕਰੋ