Энэхүү будилаантай цаг үед хүмүүс чөтгөрүүд болон сөрөг хүчний маш их хууран мэхлэлт, муу нөлөөгөөр үнэнийг хүлээн зөвшөөрөх нь тийм ч хялбар биш байгаа. Таны чин сэтгэл танд үнэн замыг олох боломж олгожээ.

Канадын Жошуагаас ирүүлсэн сэтгэлийн үгийг одоо хүргэе:

Эрхэм хүндэт Хайрт Их Багш аа, Таны байнгын халамж, удирдамжийн төлөө өөрийн болон гэр бүлийнхнийхээ гүн талархлыг үгээр бүрэн илэрхийлж чадахгүй нь. Бидний амьдралын хамгийн жижиг нарийн зүйлээс эхлээд агуу үйл явдал хүртэл бүх зүйлийг Та хайраар зохицуулдаг. Таны сургаалыг дагаж, энэрэнгүй веган амьдралаар амьдарснаар бид ГЭРТЭЭ харих нь гарцаагүй гэдгийг бид гүнээ ухаарч байна.

Бидний өмнөх амьдрал тэс өөр байсан. Бид санхүүгийн хувьд тогтвортой байсан ч тодорхойгүй байдал, санаа зовнил, хоосон байдлын мэдрэмжтэй тэмцэж байсан. Бид янз бүрийн сүнслэг бясалгалаар тайвшралыг эрэлхийлсэн боловч жинхэнэ багш, үнэн замыг олох нь бараг боломжгүй мэт санагдсан. Биднийг санхүүгийн дарамтад оруулж, сэтгэл санааны хувьд шавхсан олон бүтэлгүй оролдлого хийсний дараа би Бурханд, бүх Будда нарт биднийг дэлхийн ШИЛДЭГ сүнслэг Их Багш руу чиглүүлэхийг чин сэтгэлээсээ залбирсан. Гурван жилийн дараа бид Тантай болон Арьяабалын аргатай танилцсанаар бидний залбирал хариу хүртсэн.

Энэ нь эхэндээ танил бус санагдаж, ялангуяа Та эмэгтэй Их Багш учраас бид өмнө нь ийм аргатай учирч байгаагүй. Гэвч бид жинхэнэ Их Багш дотоодод оршдог бөгөөд Арьяабалын арга бол Бурхан Шагжамуни Будда, Эзэн Есүс Христ, Бошиглогч Мухаммед (Тэрээр Амгалан Оршиг), Лао Цзы зэрэг бүх томоохон шашны тоймгүй олон гэгээрсэн Их Багш нарын заасан дотоод Диваажингийн Гэрэл ба Аялгууны эртний бясалгал гэдгийг бид ойлгох болж, бидний эргэлзээ хурдан арилсан. Тэр цагаас хойш бидний амьдрал төсөөлж ч байгаагүйгээр эергээр өөрчлөгдсөн.

Саяхан Та Суприм Мастер ТВ-ээр Аврагч, Мессиа, Майдар Будда гэдгээ жинхэнэ утгаар нь илчлэхэд энэ нь бидний дотоодод гүн цуурайтаж байсан. Та эдгээр Тэнгэрлэг Цол хэргэмтэй НЭГЭН гэдгийг бид зүрх сэтгэлдээ байнга мэддэг. Таны асар их золиосол, үр хөндөлт, хамгийн муу улс төрч/шашны удирдагч, дэлхий дахинд тохиолдож буй гамшиг зэрэг дэлхийн хамгийн хар бараан асуудлын талаарх үнэнийг илчлэх Таны гуйвшгүй эр зориг, хамаг оршихуйн төлөөх Таны хязгааргүй энэрэл нигүүлсэл бол цаглашгүй Хайр, Тэнгэрлэг Хүч, хэмжээлшгүй гавьяа бүхий ХАМГИЙН АГУУ сүнсний тод шинж тэмдэг юм.

Хайрт Их Багш аа, биднийг хүлээн авсанд Тань баярлалаа. Тандаа эрүүл энх, Тэнгэрлэг хамгаалалт, ариун зорилгод Тань хурдан АМЖИЛТЫГ ерөөе. Мөн өгөөмөр хувь нэмэрт нь Суприм Мастер ТВ-ийн бүх гэгээнтэнд чин сэтгэлээсээ талархаж байгаагаа илэрхийлье. Дэлхийн бүх хүн нэн даруй сэрж, ВЕГАН амьдралын хэв маягийг хэвшүүлж, хэрэв тэд азтай бол энэ хүнд бэрх цаг үед ТАНЬ шиг жинхэнэ, бүрэн гэгээрсэн Амьд Их Багшид нэн даруй аврал одуулах болтугай. Таны хайртай шавь, Жошуа, Канадаас

Анхааралтай Жошуа, таны сэтгэлийн үгсэд талархаж байна!

Их Багш танд ялдам зурвас илгээв: “Хөгжсөн сүнстэй Жошуа, жинхэнэ бясалгагч байгаад, мөн сайхан сэтгэлийн ерөөлд тань баярлалаа. Та болон танай гэр бүл Бурханд хүрэх замаа олж, Арьяабалын бясалгалын аргаар авшиг хүртэх боломжтой болсон нь гайхалтай хэрэг юм. Энэхүү будилаантай цаг үед хүмүүс чөтгөрүүд болон сөрөг хүчний маш их хууран мэхлэлт, муу нөлөөгөөр үнэнийг хүлээн зөвшөөрөх нь тийм ч хялбар биш байгаа. Таны чин сэтгэл танд үнэн замыг олох боломж олгожээ. Дэлхийг Бурханы хүсэж буй веган диваажин болоход нь туслахын тулд өдөр бүр та билиг ухаан, хайраа тэлэхийн төлөө сүнслэг бясалгал дадалдаа ахиц дэвшил гаргасаар байгаарай. Та Арьяабалын сүнслэг гэр бүлийн нэг хэсэг байгаа нь гайхалтай хэрэг. Та болон Канадын зөв бодолтой ард олон Бурханы тэнгэрлэг тааллыг өдөр тутмын амьдралдаа хүртэж байх болтугай. Та бүхэндээ үүрд хайртай!"