ӨДӨР ТУТМЫН МЭДЭЭ-ний гол тойм – 2026 оны наймдугаар сарын 30

АНУ-ын Ерөнхийлөгч Дональд Трамп 8-р сарын 26-нд танкерууд үе үе дрон болон пуужингийн халдлагад өртөж байгаа ч Ормузын хоолой хэвийн ажиллаж, их хэмжээний газрын тос тус хоолойгоор тээвэрлэгдэж байна гэж мэдэгджээ. (Фокс Ньюс)

Ираны Гүйцэтгэх дэд ерөнхийлөгч Мохаммад Жафар Гаемпанах 8-р сарын 26-нд дотоодын бензиний үйлдвэрлэл хүрэлцэхгүй, АНУ-ын тэнгисийн цэргийн бүслэлт импортыг саатуулж буй тул тус улсын түлшний нөхцөл тогтворгүй байна гэж мэдэгджээ. (Фокс Ньюс)

АНУ-ын Ерөнхийлөгч Трамп 8-р сарын 26-нд Ираны Дээд удирдагч Можтаба Хаменеи амьд байгаа ч хоёрдугаар сард АНУ-Израилын цохилтын үеэр биеийнхээ зүүн хэсэгт хүнд шархадсан гэж үзэж байгаагаа мэдэгджээ. Ираны удирдагч олон сарын турш олны өмнө гараагүйгээс Дээд удирдагч Можтаба Хаменеин хувь заяаны талаарх таамаг дахин дэгдсэнтэй холбогдуулан Ерөнхийлөгч Трамп ийн хариулжээ. (Фокс Ньюс)

Их Британийн Далайн худалдааны ажиллагааны албаны мэдээлснээр, 8-р сарын 25-нд Ормузын хоолойгоор явж байсан танкерыг үл мэдэгдэх биет онож, гал гарсан ч дараа нь унтраажээ. Багийн бүх гишүүн аюулгүй бөгөөд байгаль орчинд хохирол учраагүй гэж мэдээлжээ. (Фокс Ньюс)

Польшийн Батлан хамгаалах яам мөрөн дээрээс харвадаг Пиорун агаарын довтолгооноос хамгаалах хэдэн мянган харвах төхөөрөмж, пуужин худалдан авах 2 тэрбум гаруй ам.долларын суурь гэрээнд гарын үсэг зурсан нь уг системийн түүхэн дэх хамгийн том захиалга болжээ. Үүний 80 гаруй хувийг Польшид, үлдсэнийг Латви, Литва, Норвегид нийлүүлэх бөгөөд Польшийн хувийг Европын Холбооны SAFE [Европын аюулгүй байдлын арга хэмжээ] батлан хамгаалахын зээлийн хөтөлбөрөөр санхүүжүүлнэ. Украин (Урейн) улс 2022 оноос хойш Пиорун системээр Оросын нисэх онгоц, нисдэг тэрэг, далавчит пуужинг устгаж байна. (Евромэйдэн Пресс)

Их Британийн Энэтхэг-Номхон далайн асуудал эрхэлсэн сайд Рози Уинтертон энхийн хэлэлцээрийг дэмжих, Камбож, Тайландын хооронд 2025 оны 12-р сард байгуулсан гал зогсоох хэлэлцээрийг хэрэгжүүлэхэд туслахаар Камбожид айлчилж байна

Польш даяар GPS [Дэлхийн байршил тогтоох систем]-ийн доголдол 2026 онд эрс нэмэгдэж, гар утас, дрон, тээвэр, усан замын тээвэр, нисэх хүчинд нөлөөлжээ. Польшийн шинжээчдийн үзэж буйгаар, саадын ихэнх нь Оросын Калининград муж дахь цахим дайны системээс үүдэлтэй бөгөөд Оросын тал GPS-ийн дохиог дроноос хамгаалах зорилгоор саатуулдаг гэж мэдэгджээ. (евроньюс)

Олон улсын нохойн өдрийг 8-р сарын 26-нд тэмдэглэж, нохой-хүмүүсийг анд нөхөр, туслагч, хөдөлмөрч амьтан-хүн болох үүргийг онцолжээ. Нохой-ард харааны бэрхшээлтэй хүмүүст тусалж, онцгой байдлын албад сураггүй болсон хүнийг олоход дэмжлэг үзүүлэн, үнэрлэх чадвараараа зарим өвчнийг ч илрүүлдэг. Энэ өдөр мөн асран халамжилдаг нохой-ардын зан чанар, авьяас чадвар, хань болж байдгийг нь үнэлэхийг хүмүүст уриалдаг. (BBC Ньюсграунд)

Өмнөд Солонгосын согтууруулах ундааны үйлдвэрлэл 2025 онд 27 жилийн дараа анх удаа 3 сая килолитрээс доошилж, шар айраг, сөжү болон уламжлалт цагаан будааны архины нийлүүлэлт буурсаар байна. Энэ бууралт нь эрүүл мэнддээ илүү анхаарах болсон, хүн ам хөгширч цөөрсөн, шөнө орой болтол уудаг соёлын сонирхол буурсан зэргээс үүдсэн хэрэглээний дадлын өөрчлөлтийг харуулж байна. (Кореа Таймс)

Шинэ Зеландын Засгийн газар 16-аас доош насны хүүхдүүдийг Instagram, TikTok, Snapchat, Facebook зэрэг томоохон нийгмийн сүлжээ ашиглахыг хориглох хуулийн төслийг 8-р сарын 24-нд өргөн барьжээ. Платформууд хэрэглэгчдийн насыг баталгаажуулах зохих арга хэмжээ авах үүрэгтэй бөгөөд шаардлагыг биелүүлээгүй тохиолдолд дэлхийн нийт орлогынхоо 10 хүртэлх хувьтай тэнцэх торгууль хүлээж болзошгүй байна. (Кувейт Таймс)

[АНЭУ-ын] Дубайн олон улсын нисэх онгоцны буудал Ираны дайнаас үүдсэн саатлын дараа агаарын тээврийн компаниуд эргэн ирж, зорчигчдын эрэлт сэргэснээр 2026 оны 2-р хагас илүү идэвхтэй байна гэж тооцоолжээ. Бүс нутгийн агаарын орон зайн хязгаарлалт болон халдлагууд зорчих хөдөлгөөнийг тасалдуулснаар тус буудал оны эхний хагаст 31.5 сая зорчигч хүлээн авсан нь 2025 оны мөн үеэс 31.3%-иар буурсан үзүүлэлт болж байна. (Фокс Ньюс)

[Хятадын] Хэбэй мужид байцайг шинээр нь хадгалахын тулд хорт хавдар үүсгэгч формальдегидээр хууль бусаар боловсруулсан баримт илэрсний дараа Өмнөд Солонгос улс импортын хятад байцайг формальдегидийн шинжилгээнд заавал хамруулахыг шаардаж байна. Өмнөд Солонгосын Хүнс, эмийн аюулгүй байдлын яам одоогоор шинжилсэн найман ачилтаас формальдегид илрүүлээгүй бөгөөд кимчи, давсалсан байцайн хяналтыг өргөжүүлжээ. Өмнөд Солонгосын импортын кимчиний 99 орчим хувийг Хятад улс нийлүүлдэг бөгөөд энэ онд дахин дээд амжилт тогтоох төлөвтэй байна. (ВнЭкспресс)

АНУ-ын Ратгерс Эрүүл мэндийн төвийн судлаачид бүсэлхийн тойргийг хэмжих нь эрүүл бус таргалалтыг илүү нарийн төвөгтэй хэмжилтүүдтэй адил үр дүнтэй тодорхойлдгийг тогтоожээ. JAMA [Америкийн Анагаах Ухааны Нийгэмлэгийн Сэтгүүл]-ийн Network Open-д нийтэлсэн судалгаагаар энгийн туузан метр нь зөвхөн BMI буюу биеийн жингийн индексээс илүү үр дүнтэйгээр таргалалтын эрсдэлийг илрүүлж, эмч нарт чихрийн шижин, зүрхний өвчин, цус харвалтын эрсдэлийг ердийн үзлэгээр тодорхойлоход тусална. (СкайТех Дэйли)

Атопийн дерматит [экзем] нь арьс хуурайших, загатнах, хайрсжих, хагарах шинж үүсгэдэг, байнга сэдэрдэг, архаг үрэвсэлт арьсны өвчин юм. Энэ нь хавьтлын болон себорейн дерматит, мөөгөнцөрт тууралт, хайрст үлдтэй төстэй байж болох тул зөв оношлох нь чухал. Уг өвчин удамшил, арьсны хамгаалах давхарга, дархлааны хүчин зүйлстэй холбоотой. Зохистой эмчилгээ, арьс арчилгаагаар шинж тэмдгийг хянаж, сэдрэл болон хүндрэлийг бууруулах боломжтой. (Бао Сүк хое ва Дой сон)

Балба, Хятадын хил дээр хөрсний гулгалтаас үүдсэн үерийн улмаас 160-аас доошгүй хүн амиа алджээ. Балбын тал 157 хүн амиа алдаж, гадаадын 341 иргэн сураггүй болсон гэж мэдээлжээ. Гамшгийн улмаас гүүр, зам, тосгон, усан цахилгаан станцын төслүүд сүйджээ. Олон улсын тусламжийн байгууллагууд дэмжлэг үзүүлэхээр бэлтгэж буй энэ үед аврах ажиллагаа үргэлжилж байна. (Нью-Йорк Пост)

[АНУ-ын] Техас мужийн Пало Пинто, Жак тойрогт гарсан Росс түймэр 32 мянга орчим га талбайг хамран дэгдсэн бөгөөд 8-р сарын 26-ны байдлаар 12%-ийг нь хяналтад оруулсан гэж Техасын A&M Ойн алба мэдээлжээ. Хэд хэдэн барилга байгууламж сүйдсэн байна. (CBS Ньюс Техас)

Нарра хар салхины үлдсэн нөлөөгөөр ойролцоогоор 40 мянган шоо метр шороо, чулуу нурсны дараа Ау Лак (Вьетнам)-ын эрх баригчид Тай Нгуен мужийн Чө Дон суурин дахь 3B хурдны замын 6.5 километр хэсгийн хөдөлгөөнийг хаажээ. (Дань Вьет)

[Их Британийн] Бирмингем хот 11-р сарын 14-нд Астоны Оюутны холбоонд анхны томоохон веган наадмаа зохион байгуулж, Карибын тэнгисийн хоол, “Vfish n’ Chips” бялуу, бяслаг, шоколад зэрэг веган хүнс бүхий 80 гаруй бүхээг ажиллуулна. Бирмингемийн веган наадамд мөн илтгэл, үзүүлэн, амьтан-хүмүүсийн сайн сайхны төлөө үйл ажиллагаа явуулдаг бүлгүүд оролцоно. (Секрет Бирмингем)

АНУ-д “сүүн бус” гэсэн шошготой бүтээгдэхүүнд хуулийн дагуу казеин зэрэг сүүний гаралтай дайвар эд байж болдгийг шинжээчид анхааруулж, веган болон харшилтай хэрэглэгчдийг сүүн бүтээгдэхүүнээс бүрэн зайлсхийхийн тулд “сүү агуулагдаагүй”, эсвэл “веган” гэсэн тодорхой шошго сонгохыг зөвлөжээ. (ВежНьюс)

Францын амьтан-хүмүүсийг хамгаалах FUTUR нийгэмлэг 8-р сарын 29, 30-нд Францын 23 хотод олон нийтийн үнэ төлбөргүй веган зугаалга зохион байгуулж, олон зуун хүнийг веган хоолоо хуваалцан, тогтвортой хэв маягийг дэмжихэд нэгтгэнэ. (Вежкономист)

[Ау Лак (Вьетнам)-ын] Буон Дон суурин дахь Дак Лак мужийн зэрлэг амьтан аврах төв 30 орчим зүйлийн 190 гаруй ховор амьтан-хүнийг асран хамгаалдаг. Тэдний олонх нь урхинд орж гэмтэн, мөчөө тайруулжээ. Багийн гишүүд тусгай эмчилгээ, нөхөн сэргээх үйлчилгээ үзүүлж, бие даан амьдрах чадвартай амьтан-иргэдийг байгальд нь буцаан тавьж, амьдрах чадваргүй амьтан-иргэдийг насан туршид нь асардаг. (Түөй Трэ)

Колумбид 8-р сарын 10-нд 7.4 магнитудын хүчтэй газар хөдлөлт болоход Брауни асран хамгаалагч Жакелинд орон дээр нь хана нурахаас хэдхэн хормын өмнө сэрэмжлүүлжээ. Дараа нь нохой анд гацсан хаалгыг онгойлгоход тусалж, Жакелинд аюулгүй гарах боломж олгосон байна. Тэрээр яриандаа гамшгийн үеэр Браунигийн амь аварсан үйлдлийг нь онцолжээ. (Коломбия Уан)

Испанийн Калп дахь Ла Мола д’Олта оргилын ойролцоо шөнийн эрлийн үеэр цагдаагийн дрон сураггүй болсон 12 настай охиныг олжээ. Дрон бартаатай газарт байсан охиныг илрүүлж, аврагчдыг түүн рүү чиглүүлжээ. Гал сөнөөгчид 23:21 цагт охинд хүрч, гэмтэж бэртээгүйг нь тогтоон гэр бүлийнхэнтэй нь уулзуулжээ. (ЕвроУикли Ньюс)

Өдрийн мэргэн эшлэл: “Хараагаа БУРХАН дээр тогтоож, бүхнийг ТҮҮНД даатга. Үүнд санаа тавих нь л гагцхүү хийх ёстой зүйл тань юм.” — Францын Ариун Мариягийн Айлчлалын нийгэмлэгийг үндэслэгч, Гэгээн Жейн Франсес де Шанталь (AZ Quotes)

Санваартан Билл Макдональд (цагаан хоолтон)-ын клиник үхлийн тухай энэхүү цувралын өмнөх хэсэгт тэрээр найман настайдаа хүндээр өвдөж, эмнэлэгт биеэсээ гарсан бөгөөд Гэрэлд хүрээлүүлэн амьдралынхаа дараагийн 50 жилийг зөгнөсөн үзэгдэл харсан тухайгаа дурссан. Тэдгээр үзэгдлийн нэг нь нисдэг тэргээр оролцсон дайн байсан бөгөөд олон жилийн дараа Вьетнамын дайнд алба хааж байхдаа Билл нэгэн үйл явдлыг хачирхалтай танил мэт мэдэрчээ. Билл шинэ нисгэгчийн хамт нисдэг тэрэгнээсээ зэвсэглэсэн цэргүүд мэт харагдах хүмүүсийг газар дээр олж харжээ. Нисгэгч Биллд гал нээх тушаал өгсөн ч түүний зөн совин ямар нэг зүйл буруу байгааг хэлж байв. Тэр татгалзаж, нөгөө буудагч мөн гал нээхээс татгалзахад нисгэгч хоёуланг нь бослого гаргасан хэрэгт буруутгана гэж сүрдүүлжээ. Тэгэхэд Билл гал нээхээсээ өмнө доошлон нисэж, ойроос харахыг санал болгожээ.

Тэгээд би: “За хийх ёстойгоо хий. Гэхдээ би гал нээхгүй.” гэж хэлсэн. Бид доошилж, тэдний дээгүүр өнгөрөхөд нутгийн тосгоны бага насны хүүхдүүдийг нийтийн ногооны талбай руу дагуулж явсан католик санваартан байсан бөгөөд хүүхдүүд хүрз, тармуур, зээтүү барьжээ. Тэр хошуучид ямар санагдсаныг бодоод үз. Хэрэв би тэнд байгаагүй, миний суудалд өөр хаалганы буудагч сууж байсан бол аймшигт аллага болох байлаа. Би бүр: “Би зөвхөн тушаал биелүүлсэн” гэж хэлж болох байсан ч. Тэр бол зөвтгөх шалтгаан биш. Зүрх сэтгэлээ сонсох хэрэгтэй. Чин зорилгоо Бурханд чиглүүлэх хэрэгтэй. Тиймээс би Вьетнамд очихдоо Бурханыг дагах зорилготой байсан. Гэрэл хүн бүрийн дотор, дайсных чинь дотор ч бий. Хэзээ ч бүү уурла. Хэзээ ч бүү үзэн яд. Билл дайны туршид Тэнгэрлэг хүчээр хамгаалагдаж байгаагаа мэдэрдэг байсан бөгөөд заримдаа аль нисэх онгоц сүйрэх, хэн шархдахыг урьдчилан мэддэг байжээ. Эхэндээ тэр хүмүүст анхааруулахыг оролдож, тэд үгийг нь үл тоосны улмаас хожим хохироход өөрийгөө буруутгадаг байсан ч эцэст нь бусдын сонголтыг хянаж чадахгүй гэдгээ ойлгожээ.

Тэрээр хоёр дахь удаагаа олон арван жилийн дараа, 59 нас хүрэхээсээ хэдхэн сарын өмнө, Энэтхэгт, Их Багш Парамаханса Йогананда (цагаан хоолтон)-гийн “Иогчийн намтар” номд дүрсэлсэн Махаватар Бабажи (цагаан хоолтон)-ийн ариун агуйгаас бууж явахдаа клиник үхэлд оржээ. Агуйгаас буцах замд тархи минь таталдаж, зүрх минь галзуурсан мэт болж байлаа. Зүрх хүчтэй дэлсэж, хэн нэгэн хуруугаа цээж рүү минь оруулаад, зүрхийг минь атган, татаж хоёр хэсэг болгох гэж байгаа мэт санагдсан. Үнэхээр хүнд байсан. Гэтэл гэнэт би 9 метр өндөр хадан цохион дээр зогсож байлаа. Амьсгал минь зогссон. Би унасан. Өндөр нь 30 тохой [9.1 метр] байсан ч аз болоход яг эгц биш байв. Бага зэрэг тахир учраас эхлээд 8 тохой [2.4 метр], дараа нь 16 тохой [4.9 метр] орчим өнхөрч, доошлох замдаа гурав орчим удаа ойсон гэж надад хэлсэн. Тэгээд би энэ жалгын ёроолд, Фольксваген Бийтл машинтай ойролцоо хэмжээний том чулуун дээр хэвтэж таарсан. Би дээр нь хэвтэж байсан ч юу ч мэдрэхгүй байлаа. Би амьсгалахгүй байсан. Зүрхээ мэдрэхгүй байсан, ямар ч өвдөлт мэдрэхгүй, харин өөрийгөө дээш хөөрөхийг мэдэрсэн. Би эргэж харсан. Эргэн тойрноо ажигласан. Тэнгэр өөд хараад баярласан. Өө, би энд өмнө нь ирж байсан. Туулж л байсан зүйл. Сүртэй юм биш. Энд зүгээр юм байна. Би амьдралдаа очихыг хамгийн их хүссэн ариун газруудын нэг болох Бабажийн агуйд саяхан очсон. Одоо бараг 59 насандаа үхлээ ч би огт санаа зовохгүй байсан. Тэгээд би тэнд хөвж байгаад бие рүүгээ доош харсан. Бие минь энд доор хэвтэж байв. Биеэ жаахан өрөвдсөн. Нэлээд муу харагдаж байсан ч надад хамаагүй байв. Тэр бол би биш. Би биш.

Гуравдугаар хэсэгт Билл биеийнх нь дэргэдэх өвснөөс том кобра могой гарч ирэхэд юу болсон, мөн Тэнгэрлэг элч түүнийг хэрхэн амьдралд эргүүлэн авчирсан гэж итгэдгээ өгүүлнэ. Олон жилийн дараа зүрхний нээлттэй мэс заслын үеэр тэр Энэтхэгт дахин очиж, Гүрүгийнхээ өмнө зогсоод жаргалд үлдэх үү, эсвэл өвдөлт, зорилго бүхий амьдралдаа буцах уу гэсэн сонголттой тулгарчээ. Миний Гүрү ингэж зогсоод, “Билл, зүрхээ алдаж болохгүй. Хэдэн цохилт алгасаж болно, гэхдээ зүрх алдаж болохгүй.” гэсэн. Санваартан Билл Макдональдын клиник үхлийн тохиолдлын 3-р хэсэгт маргааш бидэнтэй хамт байгаарай. (Энтони Чений бүтээл)