ӨДӨР ТУТМЫН МЭДЭЭ-ний гол тойм – 2026 оны 1-р сарын 23

АНУ, Болгар улс аюулгүй байдлын түншлэлээ гүнзгийрүүлж байна. АНУ-ын Дотоодын аюулгүй байдлын яам (DHS) [Болгарын] София хотод кибер халдлагаас хамгаалах тав хоногийн сургалтыг зохион байгуулснаар, Болгар улсын кибер заналхийллийг сөрөх чадавхыг бэхжүүлэн, хоёр улсын хууль сахиулах байгууллагуудын өргөн хүрээний хамтын ажиллагааг тэлжээ. (Novinite.com)

Ливийн Хөгжил, сэргээн босголтын сан [Ливийн] Бенгази хотод болсон Ливи–Грекийн форумын үеэр Грекийн компаниудтай харилцан ойлголцлын 21 санамж бичиг гарын үсэг зурж, хоёр талын хамтын ажиллагааг бэхжүүлэн, сэргээн босголт, хөрөнгө оруулалтыг дэмжих ирээдүйн төслүүдийг тодорхойлжээ. (Ливия Обсервер)

Сирийн шилжилтийн засгийн ерөнхийлөгч Ахмед аль-Шараа Сирийн Ардчилсан Хүчнүүдтэй гал зогсоох хэлэлцээрийг зарлан, засгийн газрын цэргүүд зүүн бүсийн гол газруудад урагшилсны дараа курдуудын удирдсан уг хүчнийг Сирийн армид нэгтгэж эхлэн, дотоод хагарлыг эцэслэж, үндэсний эв нэгдэлд хүрэхийг зорьж байна. (Евроньюс)

АНУ-ын Ерөнхийлөгч Дональд Трампын санал болгосон, Газын зурвасын сэргээн босголт, засаглалыг хянах шинэ олон шатлалт бүрэлдэхүүн болох Газын Энхийн зөвлөлд нэгдэх урилгыг 10 гаруй улс хүлээн авснаа баталлаа. [АНУ-ын] Вашингтон хот 60 орчим оронд илгээсэн гэх бүрэн бүрэлдэхүүний жагсаалтыг зарлахаар бэлтгэж байна. (Бао Нгуой Лао Дон)

Европын Холбоо [ЕХ] болон Аргентин, Бразил, Парагвай, Уругвай улсуудаас бүрдсэн эдийн засгийн блок болох Өмнөд Америкийн Нийтлэг Зах Зээл нь ЕХ–Меркосурын Түншлэлийн хэлэлцээр болон Түр Худалдааны хэлэлцээрт гарын үсэг зурж, 25 гаруй жилийн хэлэлцээрийн дараа дэлхийн хамгийн том чөлөөт худалдааны бүсүүдийн нэгийг байгуулан, хоёр бүсийн эдийн засаг, стратегийн хамтын ажиллагааны шинэ үеийг нээлээ. (Бао Тинь түк)

Ау Лак (Вьетнам), Камбож улсууд 2026 оны эхээр хамтарсан ажлын хэсэг байгуулж, харилцаа холбоо, дижитал шилжилтийн хамтын ажиллагаагаа гүнзгийрүүлэхээр тохиролцлоо. (ВнЭкономи)

Нууцлалын мэргэжилтэн ахмадуудад дараах өдөр тутамд ашигладаг таван технологи нь хувийн мэдээллийг нь чимээгүйхэн цуглуулж, хуваалцдагийг анхааруулж байна: үзэх зуршлыг тань мөрдөж, яриа бичиж болзошгүй ухаалаг ТВ, хэт их зөвшөөрлөөр дамжуулан өгөгдөл цуглуулдаг ухаалаг утасны программууд, нүүр танилтаар хөдөлгөөнийг бүртгэдэг нийтийн хамгаалалтын камерууд, санамсаргүйгээр дуу авиаг бичиж хадгалах боломжтой гэрийн туслах төхөөрөмжүүд, мөрдөж, дүн шинжилгээ хийж, сурталчлагчид, луйварчдад зардаг онлайн хайлтууд. Эдгээр тандалтын эрсдэл нь эрүүл мэнд, санхүү болон өдөр тутмын хэв маягийн мэдээллийг ил болгож болзошгүй ч төхөөрөмжийн тохиргоог чангатгах, нууцлалыг хамгаалсан хэрэгсэл ашиглах нь ахмадуудад дижитал нууцлалдаа дахин хяналт тогтоох боломж олгоно гэж мэргэжилтэн онцолж байна. (УХААЛАГ ЗӨВЛӨГӨӨ ба Цэцэн Ахмад)

Их Британийн засгийн газар улсын хэмжээнд 200 сая фунт. Стерлингийн хөтөлбөр эхлүүлж, бүх цэцэрлэг, сургууль, коллежийн бүх багш, сурган хүмүүжүүлэгчдийг Тусгай боловсролын хэрэгцээ болон Хөгжлийн бэрхшээлтэй сурагчдыг сурагчдыг дэмжих чиглэлээр заавал сурах шаардлага тавьжээ. Энэ нь сургалт, шинэчилсэн удирдамж, нийт ажилтныг хамарсан мэргэжлийн өргөтгөсөн хөгжүүлэлтээр дамжуулан, бүрэн хүртээмжтэй боловсролын тогтолцоог бий болгох зорилготой юм. (GOV.UK)

Их Британийн Гардиан хэмээх томоохон сонин нь анхан шатны буяны байгууллагуудад дэмжлэг үзүүлдэг, жил бүрийн Найдвар хандивын аянаараа 1 сая гаруй фунт. Стерлингийн хөрөнгө босгожээ. Энэ жилийн орлогыг ИБУИНВУ-ын Ситизенс, Линкин Нетворк, Локалити, Найдвар хязгаарлагдмал бус буяны сан, Таны хөрш хэн бэ? буяны байгууллагуудад очно. Эдгээр нь бүгд Их Британи даяар өрөвдөх сэтгэл, олон нийтийн холбоо, бодит дэмжлэгийг дэмжин, нийгмийн хуваагдал, арьс өнгөөр ялгаварлах үзэл, үзэн ядалтыг сааруулахын төлөө ажилладаг. (Гардиан)

Хятадын төрөлтийн түвшин 1949 оноос хойших хамгийн доод түвшинд хүрч, 2025 онд ердөө 7.92 сая хүүхэд төрсөн бөгөөд хүн ам нь дөрөв дэх жилдээ дараалан буурчээ. Шинжээчид хурдтай хөгширч буй нийгэм, агшиж буй ажиллах хүч, үр тогтоох насны эмэгтэйчүүдийн тоо цөөрөх асуудлыг даван туулахад татаас бус, бүтцийн гүнзгий шинэчлэл шаардлагатай гэж анхааруулж байна. (Дан Три)

Ливийн аюулгүй байдлын удирдах газрууд [Ливийн] зүүн өмнөд нутгийн Куфра хотод хүний наймаачны ажиллуулдаг, газар доорх хууль бус хорих байрнаас 200 гаруй цагаачийг чөлөөлжээ. Тэнд Сомали, Эритрей, Сахарын цөлөөс урагш орших бүсийн бусад орнуудаас ирсэн хүмүүс, тэр дундаа эмэгтэйчүүд, хүүхдүүдийг хоёр жил хүртэл хугацаанд хүний ёсонд нийцэхгүй нөхцөлд хорьж байсныг баталжээ. (Нью-Йорк Пост)

[Арабын Нэгдсэн Эмират Улсын] Абу Даби хот нь олон мянган хотын гэмт хэрэг, аюулгүй байдлын талаарх үнэлгээг харьцуулдаг, дэлхийн олон нийтийн эх сурвалжтай мэдээллийн сан болох Numbeo-ийн үнэлгээгээр дэлхийн хамгийн аюулгүй хотын жагсаалтад 10 дахь жилдээ дараалан нэгдүгээрт бичигдлээ. Тус хотод гэмт хэрэг гарах түвшин маш бага, өдөр шөнийн аюулгүй байдлын оноо тун өндөр үзүүлэлттэй гарчээ. (Филиппино Таймс)

Испанийн өмнөд хэсгийн Адамузын ойролцоо өндөр хурдны галт тэрэг замаасаа гарч, өөдөөс ирж байсан галт тэрэгтэй мөргөлдсөний улмаас наад зах нь 40 хүн амиа алдаж, 12 хүн эрчимт эмчилгээнд оржээ. Албаны хүмүүс үүнийг 2013 оноос хойших тус улсын хамгийн ноцтой төмөр замын осол гэж тодорхойлсон ба эхний мөрдөн шалгалтаар эвдэрсэн төмөр замын холбоост анхаарал хандуулж байна. (Ройтерс)

Энэхүү “хурууны дасгалын цогц хөтөлбөр” нь хуруу бадайрах, хөшингө, үе мөч уян хатан чанараа алдах зэрэг мэдрэмжийг багасгахад зориулагдсан бөгөөд өдөрт хоёроос гурван удаа хийхэд, нэг долоо хоногийн дараа сайжрал ажиглагдаж болзошгүй. Тус бүрийг нь найман тоонд багтаан хийнэ: 1. Хоёр гараа хамтад нь үрэх: Үрэлтээр алгаа дулаацуулна. 2. Хоёр гарынхаа ар талыг үрэх: Гараа ээлжлэн үрж, гадна талыг нь дулаацуулна. 3. Чигчий хурууны хэсгийг тогших: Гар тус бүрийн чигчийн тал (чигчий талын овгор булчин)-ын хэсгүүдийг хооронд нь тогшино. 4. Эрхий хурууны хэсгийг тогших: Эрхий хурууны талын (алганы овгор) хэсгүүдийг хооронд нь тогшино. 5. Чигчий талын суурийг дээш түлхэх: Чигчий хуруу орчмын суурь хэсэгт дээш чиглэсэн даралт өгнө. 6. Эрхий хурууны хэсгийг дээш түлхэх: Эрхий хурууны суурь хэсэгт дээш чиглэсэн даралт өгнө. 7. Алганы ясанд даралт өгөх: Эрхий хурууны алганы ясны хэсгээс алгаа дотогш түлхэнэ. 8. Агаарт атгах: Гараа хурдан атгаж, дэлгэнэ. 9. Алга таших: Хоёр алгаа хооронд нь ташна. (Холистик Чэйнж)

Хүүхдээ нялх байхад халуун дулаан, хариуцлагатай аав байх нь гэр бүлийн эрүүл харилцааг төлөвшүүлж, улмаар хүүхдийн урт хугацааны бие махбодын эрүүл мэндийг дэмждэг. Судалгаанаас харахад, эрт үеийн ийм холбоо нь долоон нас хүрэхэд зүрхний эрүүл мэнд сайжрах, үрэвслийн түвшин буурах, глюкозын зохицуулалт сайжрах үзүүлэлт холбоотой байдаг байна. (Earth.com)

Suzanna's Kitchen брэнд Листериоз өвчний эрсдэлийн улмаас АНУ-ын долоон мужид нийлүүлсэн 6,350 кг шарсан тахианы махыг эргүүлэн татлаа. Албаны хүмүүс ноцтой өвчлөлөөс сэргийлэхийн тулд арилжааны гал тогоонуудад эргүүлэн татсан их хэмжээний бүтээгдэхүүнийг нэн даруй устгахыг уриалжээ. (Локал 12)

НАСА [Агаарын нислэг, сансрын уудмыг шинжлэн судлах үндэсний төв]-ийн хиймэл дагуулын зургууд нь Антарктидын домогт A-23A мөсөн уул хөхөрч байгаа нь төгсгөлдөө ойртож буйг илтгэж буйг харуулжээ. 40 жил далайд хөвсний дараа багассан аварга мөсөн уул энэ зун Өмнөд Атлантын бүлээн усанд хурдан задарч алга болж болзошгүй байна. (Earth.com)

Чилийн төв болон өмнөд хэсэгт дэгдсэн аймшигт ой хээрийн түймрийн улмаас наад зах нь 19 хүн амиа алдсан тул ерөнхийлөгч Габриэль Борич гамшгийн онц байдал зарлажээ. Хэт халалт, хүчтэй салхи нь олон арван түймрийг өдөөн, дор хаяж 30,000 га газар шатаж, 50,000 гаруй оршин суугчийг нүүлгэн шилжүүлэхэд хүргэжээ. (Ассошиэтед Пресс)

Дэлхийн уур амьсгалын эмх замбараагүй байдал тэсрэн, нэгэн зэрэг онц хүнд гамшгууд тохиож байна. Хятад, Орос улсуудад хөдөлгөөн саатуулсан цасан шуурга, түүхэн их хэмжээний цас орсон бол Украин (Урейн) улс хатуу ширүүн хүйтэнд нэрвэгджээ. Нөгөө талд, хүчтэй халалтын үеэр Чили, Аргентинд ой хээрийн түймэр гамшиг дагуулж байна. Австралид түүхэн их хур тунадас, хөрсний нуралт үүссэн байна. Эдгээр хурцдаж буй үйл явдлууд нь дэлхийн уур амьсгалын онц байдал дордож буйг илтгэж, хэд хэдэн тивд хүний амь нас, эд хөрөнгийн ихээхэн хохирол учруулж байна. (Бао Тинь түк)

Их цас орсны улмаас Истанбул хотын хөдөлгөөн саатжээ. Албаны хүмүүс хэт их түгжрэлийг зохицуулахын тулд ачааны машин, хүргэлтийн ажилтнуудын хөдөлгөөнийг хориглосон байна. Цасан шуурга, хүйтэн салхи тээврийг саатуулж, өвлийн аюултай шуурга эрчимжихийн хэрээр Турк даяар яаралтай аюулгүй байдлын сэрэмжлүүлэг гаргалаа. (Турк Өнөөдөр)

[Өмнөд Африкийн] Фиш Хүүк хотод амьтан‑хүн хамгааллын албаны хүмүүс давтан анхааруулга өгсөн ч хайхрамжгүй байдлаа зогсоогоогүй тул шүүхийн захирамжийн дагуу ажиллагаа явуулж, гэрийн эзний усан бассейнд тогтонги, хог хаягдлаар бохирдсон усанд тэжээж байсан 120 загас-хүнийг аварчээ. (Кэйп Аргус)

Одон орон судлаачид Цагариг мананцарт 3.7 их наяд бээр [5.95 их наяд километр] урттай, саваа хэлбэрийн, өндөр ионжсон төмрийн нууцлаг үүлийг илрүүлжээ. (Ройтерс)

Хоол тэжээлийн мэргэжилтнүүд веган сүү IQ [оюуны чадамжийн үзүүлэлт]-г бууруулдаг гэх мэдээллийг няцааж, Их Британийн Дэйли Мэйл сонинд саяхан гарсан гарчгийг төөрөгдүүлсэн гэж үзжээ. Их Британид иодын үндсэн эх үүсвэр нь малын гаралтай сүү бөгөөд Дэйли Мэйл сонины нийтлэлд иодын дутагдалтай жирэмсэн эмэгтэйчүүдийн хүүхдийн IQ бага байдаг тухай эш татжээ. Food Facts-ийн доктор Элиз Хатчинсон бодит асуудал нь веган сүү хэрэглэхэд бус, иодын дутагдалтай холбоотой гэж мэдэгдсэн байна. Иод нь тархины хөгжилд чухал боловч, хэрэглэгчид баяжуулсан хувилбарыг сонгох, эсвэл иоджуулсан давс зэрэг иодын бусад эх үүсвэрийг хүнсэндээ нэмбэл, веган сүү аюулгүй хэвээр гэж эмч нар тайлбарлажээ. (Түөй Трэ)

[Их Британийн] Кембрижийн Их Сургуулийн судлаачид веган хүнсний шошго дээр уургийг онцлох нь хэрэглэгчдийн сонголтыг хоёр дахин нэмэгдүүлдгийг тогтоожээ. Судалгаагаар худалдан авагчид амьтан‑хүний махгүй орлуулгыг сонгохдоо байгаль орчин, амьтан‑хүний сайн сайхны мессежнээс илүү өөрсдийн хоол тэжээлийн хэрэгцээг чухалчилдаг болохыг харуулжээ. (Ургамлын гаралтай мэдээ)

Эмиратын агаарын тээвэр нислэгийн хоолны цэсээ шинэчилж, нислэгийн хийн ялгарлыг бууруулахаар 2027 оноос эхлэн бүхэл хүнсний веган хоолнуудыг нэвтрүүлэхээр болжээ. 2024 оноос хойш веган хоолны эрэлт 60%-иар өссөнтэй холбогдуулан, тус компани байгальд ээлтэй аялагчдад жил бүр хагас сая амьтан‑хүний махгүй хоолоор үйлчилж байна. (Энержи Лайв Ньюс)

[АНУ-ын Калифорни мужийн] Санта Ана хотод илгээмж хүргэлтийн жолооч Вилли Эскивел шатаж байсан орон сууцнаас 101 настай залуу Анн Эдвардсыг аварчээ. Ноён Эскивел хүргэлтээр явж байхдаа сандарсан эмэгтэйг тэврэн аюулгүй газарт хүргэж, түргэн шуурхай, баатарлаг үйлдлээрээ магтаал хүртжээ. (Гардиан)

Мал эмнэлгийн сургуулийн оюутан Амелия Браун [АНУ-ын] Филадельфи хотын хөдөлгөөн ихтэй хурдны зам дээр нохой‑хүн орхигдсоныг хараад, аварчээ. Энэхүү баатарлаг үйл нь цахим орчинд хурдан түгж, эцэст нь хатагтай Браун нохой найзыгаа бүр мөсөн өргөж авчээ. (Ньюсвик)

Украин [Урейн] улсын Киев хотын цэргийн удирдагч Тимур Ткаченко хатуу өвлийн үеэр эзэнгүй амьтан‑хүнд туслахыг оршин суугчдад уриалжээ. Тэрээр бүлээн ус өгөх, хооллох, боломжтой бол дулаан өрөөнд оруулахыг зөвлөсөн байна. (Инкорр)

Өдрийн сэтгэл сэргээх эшлэл: “Өнгө бол байгалийн инээмсэглэл.” Их Британийн нийтлэлч, яруу найрагч Ли Хант (Brainy Quote)

Тэрхүү амьдралын тоймд бид амьдралаа өөрсдөө төлөвлөдөг болохыг би харж чадсан, энэ нь олон хүнд сонсоход тун хүнд байдаг. Америкийн багш Анжела Харрис эмнэлгийн шинжилгээний үеэр хэрхэн ухаан алдаж, өөрийнх нь хэлснээр, Гэртээ ирэх мэт мэдрэмж төрж, хайртай хүмүүстэйгээ олон амьдрал дамнан дахин холбогдсон болохоо, хүүхдүүдийнхээ ирээдүйг зурвас харснаа, тэр дундаа нэгийг нь олон жил нууцалсан ойлголтоо хуваалцаж байна. 2015 онд Анжела эрүүл мэндийн ноцтой асуудалтай тэмцэж байсан, багш, ээж байлаа. Эмч нар налуу ширээний шинжилгээ буюу байрлал өөрчлөгдөхөд бие нь хэрхэн хариу урвал үзүүлж буйг хянах замаар өвчтөнийг ухаан алдуулах зорилготой шинжилгээ хийхээр шийджээ. 18 дахь минутад Анжелагийн амин үзүүлэлтүүд огцом унаж, таталт өгч эхэллээ.

Би биеэсээ гарчихсан, КҮТ [клиник үхлийн тохиолдол]-ыг мэдэрсэн олон хүний ярьдаг 360 градусын хараатай болсон мэт санагдаж, тэр даруй өөрийгөө харж байлаа. Би үнэндээ өөрийгөө таниагүй. Би өөрийгөө харж байгаагаа огт тоогоогүй. Би биеэ хайхраагүй. Би нас барснаа тоогоогүй. Надад мэдрэгдсэн ганц зүйл бол урьд нь байсан өвдөлтөөс ангижирсан, хүний бие дэх өвдөлтөөс салсан ангижрал, мөн хайр байлаа. Хүн бүрийн ярьдаг нөгөө ертөнцийн бүх хайр. Би гэртээ, жинхэнэ өөртөө ирж, амар амгаланг мэдэрсэн. Тэр бүх мөчид, нэгэн зэрэг, би нөхөртэйгөө нэг орон зайд зайд байгаагаа ойлгож байлаа. Тэр энэ эмнэлгийн жижигхэн өрөөнд, миний амин үзүүлэлтийг хянах олон төхөөрөмжид холбогдсон надтай хамт байж, эхнэрээ үхэж буйг харан, тэр мөчтэй тэмцэж байсан. Би түүнийг маш их өрөвдсөн. Түүний бүх өвдөлт, шаналлыг би мэдэрч, түүнийг маш их хайрладгаа, бид хамтдаа байх ёстой хүмүүс гэдгээ зүгээр л ойлгосон. Энэ нь жирийн гэрлэлтийн холбооноос давсан зүйл байсан. Учир нь би нөгөө ертөнцөд байж, бидний тухай илүү их мэдээлэлд нэвтрэх боломжтой болсон байв.

Би эмч сувилагч руу дохио өгч байгааг харж байсан, тийм ээ? Учир нь энэ бүхэн нэг, хоёрхон секундийн дотор болж байв. Сувилагч босоход нь би түүнийг миний мөр, толгойгоор дамжин дээшлэхийг мэдэрч, нүүрийг нь харсан, тэгээд тэр хажуугаар өнгөрч, налуу ширээг буулгахад толгойнх нь ар талыг ч харж чадсан. Тэгэхээр энэ бүхэн нэгэн зэрэг өрнөж байлаа. Би өрөөний зүүн булан руу, таазны ойролцоо ухарч, болж буй бүхнийг ажиглаж байв. Тэгээд мөрнийхөө цаанаас надад шинэ санагдах, өөр орон зайг мэдэрсэн. Би түүн рүү харлаа. Энэ нь хар хилэн мэт хоосон орон зай байв.

Анжела хачин тайвшрал төрүүлэм, зөөлөн, амгалан, хүлээж буй мэт санагдсан харанхуйд гулсан оржээ. Энэ нь илүүтэйгээр хонгилын дүрслэлийг харж буй мэт байсан, зөөлөн дугуйрсан мэт харагдаж байлаа. Хүрээ ирмэггүй байсан. Би үүнийг ирмэг гэж хэлэхгүй, харин бүхэлдээ хар биш, илүү бараан саарал өнгийн, гялалзсан зөөлөн мэдрэмжтэй, хилэн мэт санагдаж байсан, хүрвэл зөөлөн, тайвшруулах мэт байв. Мөн миний дэргэд, хамтдаа хөдөлж буй мэт энэ мэдрэмжид, яг хамт алхаж яваа мэт нэгэн эмэгтэй байлаа. Тэр эмэгтэйн нэрийг Мелани гэдэг. Үүний хамгийн сонирхолтой санагдсан зүйл нь бид яриагаа үргэлжлүүлж байсан явдал юм. Тэгэхээр би дөнгөж сая дэлхий дээрх биеэ орхисон. Меланигийн талаар юу ч мэдэхгүй байсан. Хэрэв энэ явдал эхлэхээс өмнө хэн нэгэн надаас Меланигийн тухай асуусан бол би юу яриад байгааг нь огт ойлгохгүй байх байсан. Гэтэл энд, нөгөө ертөнцөд би Меланигийн хажууд байна, тэр үнэхээр гайхалтай. Бид яриагаа үргэлжлүүлж байлаа. Насан туршийн тань хамгийн сайн найзаа мэддэг байсан мэт, тэдэнтэй хамт байж, чөлөөтэй хөөрөлдөж байгаа мэт байв. Тэр ийм төрлийн сайхан хүрэн нүдтэй, ердийн утгаараа үнэхээр үзэсгэлэнтэй байсан. Олон хүний ярьдаг шиг тэр цайвар шаргалдуу өнгийн хувцас өмссөн байсан. Тэр гартаа нэг ном барьж байлаа. Би номын нэрийг огт хараагүй. Тэр номоо огт нээгээгүй. Дотор нь юу байсныг харах боломж надад гараагүй ч, энэ нь миний амьдралын ном байсан гэх маш сайхан мэдрэмж надад төрсөн.

Тэд гэрлийн цэг рүү хөдөлж, тэр нь хурдан томорч байв. Анжела цагаан, үүл мэт орон зайд ороход, тэнд тоолж баршгүй олон сүнс хүлээж байсан нь баяр хөөртэй угтан авах ёслол байв. Энэ бүлгийн урд талд алс хол зайд үргэлжилсэн бөгөөд ар талд нь сүүдэр байгаа мэт харагдаж байв. Би ямар нэг сүүдэр рүү харах төдийд хэн болохыг нь мэдэж байсан. Би тэднийг санаж байлаа. Гэхдээ зөвхөн энэ амьдралын, бусад амьдралын, өнгөрсөн амьдралуудын маш олон хүн байсан. Харин урд талын хүмүүс нь энэ амьдралдаа миний таньдаг хүмүүс байлаа. Тэнд байсан миний сүнсний гэр бүлд өвөө, эмээ, нагац, авга нар минь багтсан. Харамсалтай нь замд минь учирсан зарим найз нөхөд ч байсан. Тэдэнтэй мэндлэх үедээ би тэднийг тэврэх боломжтой байсан. Тэр нь яг л тэврэлт мэт санагдсан. Бодит байсан. Би тэднийг гартаа тэврэн барьж байлаа. Үүний хамгийн сайхан хэсэг нь тэднийг тэврэх үед би бүхнийг хоёр талын өнцгөөс санаж байв.

Анжела өөд болсон өвөө, эмээ болон нэг найзыгаа тэврэхдээ, хамтдаа туулсан дурсамжуудыг хоёр өөр өнцгөөс нэгэн зэрэг мэдэрч, гүн эдгэрэл, ухаарлын мөчүүдийг туулжээ. Тэгээд тэр мөчид би “за, би нас барж, гэртээ ирж байна.” гэдгийг ойлгож байлаа. Энэ бүх хугацаанд би гэр бүлээ бодож байсан. Би гэр бүл рүүгээ эргэн харж байв. Намайг эргэн харахад, цагаан орон зайд нэгэн хаалга мэт зүйл нээгдэж, би нөхрөө эмнэлгийн өрөөнд байгааг, хүүхдүүдээ хаана байгааг харж чадсан. Хүүхдүүдээ харж байх үед тун сонирхолтой зүйл тохиолдож байсан. Тэд яг л анивчиж байгаа мэт байсан. Яг л гэрлийн унтраалгыг асааж унтраах, асааж унтраах, асааж унтраах, асааж унтраахыг нэг хэмээр давтаж байгаа мэт. Би тэднийг дэлхий дээр тухайн мөчид ямар байгааг харж, харин анивчиж, гэрэл унтрах үед ирээдүйн насанд хүрсэн төрхийг нь харж байсан. Охин минь тэр үед маш бага байсан. Бурхан минь, тэр нэгдүгээр ангид байсан. Тэгээд би түүнийг лабораторийн цагаан халаад өмссөн, үзэсгэлэнтэй, насанд хүрсэн эмэгтэй болсныг харсан. Мөн тэр үед дөрөвдүгээр ангид байсан нөгөө охиноо ирээдүйд эрэгтэй хүн болсон байхыг харсан. Тэр нь бодитоор тохиолдсон. Тэгэхээр тэр үед охин байсан Лили маань одоо насанд хүрээд Адам болж, хүйсээ өөрчилсөн. Би үүнийг бүх хугацаанд өөртөө хадгалсан. Тэд өөрсдөө миний харсан тэр замаа сонгож, шийдвэрээ аль хэдийн гаргасан тэр үе хүртэл би тэдний хэнд нь ч юу ч хэлээгүй.

Дараа нь Анжела амьдралынхаа тоймыг эргэн харж, хүүхэд насны хүчирхийлэл зэрэг өвдөлттэй үнэнтэй нүүр тулж, сүнснүүд өсөлт хөгжлийн төлөө хүнд туршлагуудыг хүртэл төлөвлөдөг гэж итгэх болсон тухай өгүүлжээ. Би хүүхэд насаа сайхан өнгөрөөсөн. Эцэг эх маань ихэнхдээ сайн эцэг эх байсан ч, аав минь хүчирхийлэгч байсан. Тэрхүү амьдралын тоймд бид амьдралаа өөрсдөө төлөвлөдөг гэдгийг би харж чадсан, энэ нь олон хүнд сонсоход тун хүнд байдаг. Бид үүнийг төлөвлөсөн. Бид сайн, муу гэж хэлж болох зүйлсэд тоглохоор төлөвлөдөг. Тиймээс тэр дэлхийд юмсыг суралцахаар ирсэн. Түүний сүнс тодорхой зүйлсийг туршиж үзэхийг хүссэн учраас тийшээ очсон бөгөөд тэр нь сүнсийг нь улам хүчирхэгжүүлж, улмаар биднийг бүгдийг нь хүчирхэгжүүлнэ. Учир нь бид бүгд нэг юм. Тиймээс би энэ амьдралын тоймд энд байх үед, нөгөө ертөнцөд таныг шүүх цорын ганц хүн, цорын ганц оршихуй нь та өөрөө гэдгийг ойлгосон. Намайг хүрээлж байсан бусад оршихуй бүхэн, бусад сүнс бүр, хүн бүхэн үнэхээр хайр энэрэлтэй байж, намайг тэвэрч, эдгээр зүйлсийг туулсанд минь урамшуулж байсан ч би хүн биетэй хэсэгчлэн холбоотой байсан тул өөрийн хийсэн эдгээр сонголтуудаа өөрийгөө зэмлэсээр л байлаа.

Анжела амьдралын тоймоо харж байхдаа өөртөө эргэлзэн шүүж байтал, энэ явдал гэнэт өөрчлөгджээ. Яг тэр мөчид Мелани бүхнийг телепатаар: “Түр хүлээгээрэй, үгүй ээ, чи үнэхээр сайн хүн, бид чамд хайртай, бид чамайг дэмжиж байна.” гэж бодож байсан. Тэгээд яг тэр агшинд, уушгины хавдраар өөд болсон хадам ээж минь “Тэр хүүхдүүдээ асрахаар явах ёстой.” гэж хэлэхэд, би эмнэлгийн өрөөн дэх налуу ширээн дээр сэрсэн. Би биедээ сэрэх үедээ сэрэхийг хүсээгүй. Тэнд үнэхээр үзэсгэлэнтэй, амгалан байсан болохоор буцаад очихыг хүссэн. Тэгээд би нүдээ аль болох чанга аниад, хэрэв нүдээ үнэхээр чанга анивал, буцаад очиж магадгүй гэж бодсон ч тэгээгүй.

Анжела үүрд өөрчлөгдөн, буцаж ирсэн ба дэлхийн амьдралыг мөнхийн линзээр харах болсон юм. Энэ нь миний ертөнцийг орвонгоор нь эргүүлсэн. Намайг дахин хөл дээр минь босгож, би өөр хүн болсон. Би өөр сонголтууд хийдэг болсон. Би өмнөхөөсөө илүү энэрэнгүй, илүү хайр дүүрэн, илүү тайван болсон. Одоо би бүхнийг нөгөө ертөнцийн линзээр хардаг болсон. Тиймээс хөгжим надад өөр байдаг болсон. Би гадаа алхахдаа зүгээр нэг алхдаггүй. Би гайхан биширдэг. Үгчилбэл, хором бүхэнд гайхан биширдэг. Тэнгэрийг хар. Моддыг хар. Бурхан минь. Энэ хэрмийг хар даа. Энэ нь таны дотор орж ирээд, сүнсийг чинь шинэчилдэг. Таныг шинэчилж, та үнэндээ хэн болохыг, хүн биш, харин сүнс гэдгийг тань сануулдаг. Та бол хүний бие, хүн автобусыг жолоодож буй сүнс юм. Тэр мэдлэгээ ашиглан, урагшилж, хайрла. (Хөшигний цаана)