ӨДӨР ТУТМЫН МЭДЭЭ-ний гол тойм – 2026 оны 1-р сарын 21

Саудын Араб, Марокко улсууд 2022 онд байгуулсан сэргээгдэх эрчим хүчний түншлэлээ гүнзгийрүүлэх шинэ гүйцэтгэх хөтөлбөрт гарын үсэг зурлаа. Энэ хөтөлбөрийн хүрээнд хоёр улсын үндэсний компаниудад дотооддоо болон гуравдагч зах зээлд цэвэр эрчим хүчний төслүүдийг хамтран хөгжүүлэхийн зэрэгцээ үйлдвэрлэл, хадгалалт, сүлжээнд нэгтгэх, судалгааны чиглэлээр хамтын ажиллагаагаа өргөжүүлэх боломжийг олгож байна. (Фаст Компани Ойрх Дорнод)

АНУ болон Израил улс ХОУ [хиймэл оюун ухаан], дэвшилтэт тооцоолол, сансар судлал, хагас дамжуулагч, эрчим хүчний технологи, судалгааны аюулгүй байдлын чиглэлээр хамтын ажиллагаагаа гүнзгийрүүлэх стратегийн шинэ түншлэлийг эхлүүлж, технологийн манлайлал болон эдийн засаг, аюулгүй байдлын хамтын зорилтуудыг бэхжүүлж байна. (АНУ-ын Төрийн департамент)

АНУ Египет, Этиопын хооронд Нил мөрний усны маргааны талаар зуучлахад бэлэн байгаагаа илэрхийлжээ. АНУ-ын Ерөнхийлөгч Трамп Египет, Суданы усны аюулгүй байдлыг Этиоп улсын “Этиопын их сэргэн мандалтын далан (GERD)”-ийн үйл ажиллагаагаар тэнцвэржүүлэх хэлэлцээрийн шийдлийг эрэлхийлж байна. (ВнЭкспресс)

АНУ-ын Ерөнхийлөгч Трамп улс төрийн хоригдлуудыг олноор нь цаазлахаар төлөвлөж байсан үйлдлээ зогсоосны төлөө олон нийтийн өмнө Иран улсад талархал илэрхийлж, энэ алхмыг үргэлжилж буй үймээн самууны дунд эерэг өөрчлөлт гэж танилцуулжээ. (AP Ньюс)

Аюулгүй байдлын нөхцөл байдал муудаж, болзошгүй цэргийн мөргөлдөөн гарахаас болгоомжилсны улмаас Их Британи, Португал, Шинэ Зеланд, Украйн (Уреин), Словак гэсэн таван улс Иран дахь элчин сайдын яамдаа түр хугацаагаар хааж, дипломат ажилтнуудаа нүүлгэн шилжүүлжээ. (ВнЭкспресс)

[Украин (Урейн)-ы] Киев хот дахь гадаадын элчин сайдын яамд цахилгаан эрчим хүчний ноцтой тасалдаж, хэт хүйтэн болж, Украин (Урейн)-ы эрчим хүчний дэд бүтцэд Оросын халдлага үргэлжилж байгаа хэдий ч үйл ажиллагаагаа үргэлжлүүлж, ажилтнуудаа нүүлгэн шилжүүлэхгүй гэдгээ мэдэгджээ. (Киев Индепендент)

Украин (Урейн)-ы ерөнхийлөгч Владимир Зеленський бүрэн хэмжээний довтолгооны үеийн хамгийн хатуу өвлийн улиралд Орос улсаас эрчим хүчний дэд бүтцэд хийсэн цохилтууд нь хэдэн арван мянган хүнийг цахилгаангүй болгосон тул цахилгаан эрчим хүчний импортыг нэн даруй нэмэгдүүлэхийг уриалжээ. (Киев Индепендент)

АНУ-ын Ерөнхийлөгч Дональд Трамп Пуэрто Рикогийн захирагч асан Ванда Васкес Гарсед болон холбооны авлигын хэрэгт буруутгагдаж байсан хоёр шүүгдэгчид өршөөл үзүүлжээ. Цагаан ордны албаны хүмүүсийн мэдэгдсэнээр, энэ нь Байдены засаг захиргаанаас улс төрийн сэдэлтэй явуулсан яллах ажиллагаа байсан гэжээ. (Ройтерс)

Ирланд улс тус улсын ирээдүйн сургалтын тогтолцооны шинэ стратегийг чиглүүлэх томоохон Боловсролын конвенцын өмнө, олон нийтийг урт хугацааны боловсролын бодлогыг боловсруулахад туслахыг уриалж буй “Үндэсний боловсролын хэлэлцүүлэг”-ийг улс орон даяар эхлүүлжээ. (ТББ-уудын сангууд)

Индонезийн агаарын тээврийн ATR 42-500 онгоц [Индонезын] Иогякарта хотоос хөөрсний дараахан чанга дэлбэрэлт болсон тухай мэдээлсний дараа радараас алга болсон тул эрх баригчид уулархаг бүс нутгаар яаралтай хайх ажиллагааг эхлүүлж, мөрдөн байцаагчид онгоцонд сууж явсан 11 хүнд юу тохиолдсоныг тогтоохоор ажиллаж байна. (Экспресс)

Их Британид хэд хэдэн шоколад, чихрийн бүтээгдэхүүнийг яаралтай эргүүлэн татсан бөгөөд Хүнсний Стандартын Агентлаг худалдан авагчдад эдгээрийг идэхгүй байхыг анхааруулжээ. Forest Feast бельги сүүтэй шоколадтай үзэмтэй үрэлд тодорхойлогдоогүй газрын самар болон бусад самар агуулагдсан нь илэрч, харшилтай хүмүүст аюул учруулж болзошгүй байгаа тул буцаан татжээ. Мөн өргөн хүрээтэй буцаан татах ажиллагаа нь Jolly Rancher-ийн олон төрлийн чихэрт нөлөөлж байгаа бөгөөд эдгээрт ДНХ-ийг гэмтээж, хорт хавдрын эрсдэлийг нэмэгдүүлдэг бохирдуулагч болох MOAH [эрдэст тосны анхилуун үнэрт нүүрс устөрөгч] агуулагдаж байсан тул эрх баригчид хэрэглэгчдэд бүтээгдэхүүнүүдийг идэхээ больж, нэн даруй буцаахыг зөвлөж байна. (Экспресс)

Мароккогийн Эрүүл мэндийн яам зургаан бүс нутагт 67 шинээр сэргээн засварласан эрүүл мэндийн байгууллагыг ажиллуулж байна. Тус төвүүд нь оршин суугчдад анхан шатны тусламж үйлчилгээ, эхийн эрүүл мэнд, архаг өвчний хяналт зэрэг цогц үйлчилгээг үзүүлж байна. (Мароккогийн Дэлхийн Мэдээ)

[Сингапурын] Sixty River Valley бага сургуулийн сурагчид үдийн хоолноос хордсон байж болзошгүй байна. Эрх баригчид Gourmetz нийлүүлэгчийг шалгаж байгаа бөгөөд хүүхдүүд эмнэлэгт хэвтэлгүйгээр эдгэрч байна. Зарим сурагчид пиццаны тахианы мах жаахан хачин амттай байсан гэж мэдээлжээ. (Стрэйтс Таймс)

Баруун Беркли дэх орон гэргүй хүмүүсийн лагерьд хархаар дамждаг лептоспироз өвчин дэгдсэний дараа [АНУ-ын Калифорни мужийн] Беркли хотод эрүүл мэндийн онц байдал зарлалаа. Уг арга хэмжээний хүрээнд нүүлгэн шилжүүлэх анхааруулга гаргаж, мэрэгч амьтдыг цэвэрлэх ажлыг эхлүүлжээ. Лептоспироз нь томуу төст шинж тэмдэг үүсгэдэг бөгөөд бөөрний гэмтэл зэрэг ноцтой өвчлөлд хүргэж болзошгүй юм. (Фокс Ньюс)

1-р сарын 29-30-ны өдрүүдэд ИБУИНВУ даяар хүчтэй хүйтэн фронт нэвтрэн өнгөрөх төлөвтэй байна. Үүний улмаас өргөн хэмжээнд цас орж, [ИБУИНВУ-ын] Лондонд орон нутгийн цасан шуурга болж, [ИБУИНВУ-ын] Шотландад 51 см хүртэл өндөр цасан хунгар үүсэж болзошгүй байна. (MyLondon)

2025 онд далайн температур дээд хэмжээнд хүрч халсан бөгөөд судалгаагаар далайн дээд хэсгийн дулаарал огцом огцом өссөнийг тогтоожээ. Далай нь хүний үйл ажиллагаанаас үүдэлтэй дэлхийн дулаарлын ихэнх хэсгийг шингээдэг бөгөөд энэ нь далайн түвшний өсөлтийг улам дордуулж, эрс тэс цаг агаарыг бий болгоход хүргэдэг байна. (Монгабай)

Улирлын бус бороо нь Испанийн чидуны тосны гарцыг бууруулжээ. Андалусия зэрэг үйлдвэрлэлийн гол бүс нутгуудад хүчтэй аадар бороо орсны улмаас ургац хураалт хойшлогдож, чидун дахь тосны агууламж шингэрчээ. Үүний хариуд дэлхийн хэмжээнд нийлүүлэлт багасаж, онцгой чанарын боловсруулаагүй чидун жимсний тосны үнэ өссөн байна. (Евро долоо хоногийн мэдээ)

Ау Лак (Вьетнам)-ын Ус цаг уурын урьдчилсан мэдээний үндэсний төвөөс Ла Нинья үзэгдэл сулрах төлөвтэй байна гэж таамаглаж байна. Улсын хэмжээнд температур хэвийн хэмжээнд ойртох төлөвтэй байгаа ч хойд зүгийн уулсаар 2026 оны 4-р сар хүртэл хүчтэй хүйтэн давлагаа, мөстөлт болж, цас орох магадлалтай байна. (Тань Ньень)

НҮБ-ын задгай далайн биологийн олон янз байдлын шинэ гэрээ хүчин төгөлдөр болж, далайн хамгаалалттай газар нутаг, байгаль орчны үнэлгээ, олон улсын усны хамтарсан засаглалаар дамжуулан, 2030 он гэхэд дэлхийн далайн 30%-ийг хамгаалах хууль ёсны ерөнхий бүдүүвчийг бий болгож байна. (Ройтерс)

Хиймэл дагуулд суурилсан шинэ газрын зураг нь Антарктидын мөсөн бүрхүүлийн доор булагдсан эртний уулс, хөндий, нуур, 400 км урт шуудууны асар том далд байгалийг төрхийг харуулжээ. (Сонирхолтой инженерчлэл)

Камбож, Хятад улсууд ХОУ [хиймэл оюун ухаан]-д суурилсан хог хаягдлын менежмент, дахин боловсруулалтыг өргөжүүлэх урт хугацааны хамтын ажиллагааны гэрээнд гарын үсэг зурж, үр ашгийг дээшлүүлэх, хог хаягдлаас эрчим хүч гаргах төслүүдийг дэмжих, Камбожийн эргэлтэт эдийн засгийг бэхжүүлэхийг зорьж байна. (Камбодианесс)

Өмнөд Африкийн MeerKAT радио дуран авиа нь гурван цагийн дотор тэнгэрийн нам гүм мэт харагдах хэсэгт устөрөгчийн бүдэг дохиог мөрдөж, өмнө нь мэдэгдэж байгаагүй, хийгээр баялаг 49 галактикийг илрүүлжээ. (Earth.com)

АНУ-ын сургуулийн дүүргүүд сурагчдын эрэлт нэмэгдэж байгаатай холбогдуулан веган болон цагаан үдийн хоолны сонголтыг өргөжүүлжээ. Зарим томоохон дүүргүүд санал болгож буй сонголтынх нь 25 хүртэлх хувьд амьтан-хүний махгүй хоол эзэлж байгаа гэж мэдээлжээ. Тус чиг хандлага нь зардал бага, эрүүл мэндийн ач тустай, улс даяар сурагчдын амтны мэдрэмж өөрчлөгдөж буйтай холбоотой юм. (ВежАут)

Их Британид суурилсан контент бүтээгч, хөл бөмбөгчин асан Жеффри Боади (цагаан хоолтон) амьтан-хүний гаралтай уураг нь бие бялдрын чийрэгжилтэд зайлшгүй шаардлагатай гэсэн домгийг няцааж байна. Ноён Боади 2017 онд веган хоолны дэглэм баримталдаг болсноос хойш булчингийн масс, эрч хүч, оюуны саруул байдал нь нэмэгдсэн гэж мэдээлжээ. Тэрээр дүпү, сэвэг зарам, темпе зэрэг шим тэжээлээр баялаг боловсруулаагүй хоолонд төвлөрснөөр амьтан-хүний орцгүй уураг нь элит гүйцэтгэлийг хэрхэн дэмждэгийг харуулж байна. Тэрээр саяхан "Ургамал түлш" хэмээх анхны хоолны номоо гаргажээ. (Португал Ньюс)

[Ау Лак (Вьетнам)-ын] Тэйнинь аймгийн аулак (вьетнам)-ийн цагаан хоолны тогооч Ле Ти Лоан жижиг цагаан хоолны зутангийн худалдагчаас хоолны ур чадвараараа "Үндэсний дархан" цолыг хүрттэлээ амжилттай ажиллажээ. Түүний цагаан хоолны рестораны хоол олон нийтийн өргөн дэмжлэгийг хүлээж байна. (Тэй Нинь Онлайн)

Украин [Урейн]-ы парламент амьтан-хүмүүст харгис хандахыг хориглосон түүхэн хууль баталж, үндэсний халамжийн стандартыг Европын Холбооны суурь ойлголттой нийцүүлжээ. Шинэ хууль нь эмнэлгийн бус гоо сайхны мэс ажилбаруудыг хориглож, амьтан-хүнийг орхиж буй байдлыг тодорхойлж, үржлийг зохицуулж, гэрийн тэжээвэр болон гудамжны амьтан-ардын эрхийг хамгаалж байна. (112 UA)

Сирийн ерөнхийлөгч Ахмед аль-Шараа курд хүмүүсийн эрхийг хамгаалах, курд хэлийг үндэсний хэл гэж хүлээн зөвшөөрөх, Наурызыг албан ёсны баяр болгох, 1962 оны маргаантай хүн амын тооллогоор иргэншлээсээ хасагдсан курд оршин суугчдад иргэншлийг нь сэргээх тухай зарлигт гарын үсэг зурлаа. Тус алхам нь Сирийн хойд хэсэг дэх Сири, Курдын хүчний хоорондох мөргөлдөөний үеэр хийгджээ. (Аларабия Англи)

Грек улс ажилгүй эмэгтэйчүүдэд зориулсан 10,000 татаастай ажлын байр бий болгох 101.8 сая еврогийн хөтөлбөрийг эхлүүлжээ. Хөдөлмөр, нийгмийн хамгааллын сайд Ники Керамеус эхчүүдэд давуу эрх олгож байгаа бөгөөд уг санаачилга нь эмэгтэйчүүдийн хөдөлмөр эрхлэлт, ажил амьдралын тэнцвэрийг нэмэгдүүлэх зорилгоор бүтэн болон хагас цагийн ажлын байр санал болгож байна. (Катимерини)

Өдрийн урам зориг өгөх эшлэл: “Өнөөдөр хэн нэгэн сүүдэрт сууж байгаа нь урьд нь хэн нэгэн мод тарьсных юм.” Америкийн тэрбумтан хөрөнгө оруулагч, сайн үйлстэн Уоррен Баффет (Brainyquote)

Энэ чимээ дахин гарч, цээжээр минь татан орж, зогсоход, би: “Там байдаг” гэдгийг мэдсэн. Гэнэт миний доор шал тэр чигтээ алга болов. Би там гэж мэдсэн зүйл рүүгээ унаж эхэлсэн. Мөн би тэнд байх ёстойгоо мэдэж байсан. Америкийн бизнес эрхлэгч Кэт Данкл санхүүгийн сүйрэл, долоон настай хүүгийнх нь үхэл, нөхөртэйгөө хийсэн ширүүн маргаан нь түүний итгэж буйгаар хэрхэн тамыг харуулсан, мөн Бурханаас ирсэн гэх эрхэм зорилготой хэрхэн буцаж ирсэн тухайгаа хуваалцжээ. 1960-аад оны сүүл, 1970-аад оны эхээр Кэт хоёр дахь гэрлэлтээрээ гүнээ хайрладаг Дон хэмээх эртэй гэрлэжээ. Тэрээр анхны гэрлэлтээсээ хоёр хүү, Доноос гурав дахь хүүгээ төрүүлсэн байна. Гэвч амьдрал үнэхээр хүнд байв. Тэдний бизнес дампуурч, өрөнд орж, хоол хүнсээ ч авч дийлэхгүй байлаа. Тэгтэл эмгэнэлт явдал тохиолджээ: Кэтийн долоон настай хүү Марк машинд мөргүүлэн, нас барав. Тухайн үед Кэт Бурханд болон хойд насанд итгэдэггүй байлаа.

Маркийг нас барах үед би түүний өрөөнд орж ирээд, түүнийг тун их даарсан байсныг санаж байна. Би түүнийг хучихдаа нүдэнд нь нулимс цийлгэнэсэн байсныг хараад, түүнийг үнсэхээр тонгойн, яг л ээж нь бүхнийг засаж чадах мэт: “Зүгээр болно оо, Марки минь, ээж нь энд байна.” гэж хэлсэн. Тэгээд би зүгээр л ухаан алдчихсан. Гэхдээ үүний дараа би зүгээр л дотогшоо хаагдсан. Би гэрээс гарахаа больсон. Бараг ярьж чадахгүй байсан. Хүмүүсийг ирэхийг ч зөвшөөрөөгүй. Би зүгээр л бүрэн тусгаарлагдаж, өдрөөс өдөрт асар ихээр уй гашууд автаж, амьдрал минь дууссан гэж бодон суух болов.

Эцэст нь Дон Кэтийг гэрээс гарахыг шаарджээ. Тэд санхүүгийн дарамт, уй гашуунд дарагдаж, байнга маргалддаг болов. Энэ өдөр машинд маргаан хурцаджээ. Би машин дотор, зүгээр л түүнийг маажиж, алгадаж, зодож байв. Тэр машинаа зогсоогоод, гарынхаа хүчээр намайг ингэж түлхээд, машины нөгөө тал руу цохин унагасан. Нүдэнд од манасхийх шиг болов. Би суудалд суун: “Би гэртээ харимаар байна” гэж хэлсэн. Тэгээд тэр намайг гэрт хүргэж өгсөн. Би машины түлхүүрийг шүүрээд, гараад явчихсан. Машин барин явах үед бороо орж, харагдах орчин муудсан байв. Би дотроо аймшигтай өвдөлт мэдэрч байлаа. Удалгүй өвдөлт даамжирч, би машинаа зогсоогоод буулаа. “Би гэртээ харих хэрэгтэй байна, энэ өвдөлт бол миний мэдэрч байсан хамгийн аймшигтай өвдөлт” гэж бодогдсон.

Кэт гэртээ арайхийн ирлээ. Дон эхэндээ уурласан ч эмнэлэгт очоод ямар нэгэн ноцтой зүйл болж байгааг ойлгожээ. Гэнэт тэргэнцэр зогсов. Дон над руу тонгойж: “Кэт, би чамд хайртай” гэж хэлсэн. Тэр намайг хайрлах нь бүү хэл, таалагддаг гэж ч би бодохоо больсон байв. Эмч нар түүний цусны үзүүлэлт огцом буурсныг тогтоож, яаралтай хагалгаанд оруулжээ.

Эмч, сувилагч нар ширээ тойрон, маскаа зүүгээд над руу тонгойж байсныг би санаж байна. Гэнэт л бүх зүйл хар болсон ч би сэрүүн байв. Энэ нь төөрөлдсөн мэдрэмж шиг байсан ч би хаана байгаагаа мэдэж байсан. Гэхдээ би юу ч харж чадахгүй, зүгээр л бүрэн харанхуй байлаа. Тэгээд би харанхуй дундуур хашаа, хана гэх мэт зүйл рүү, бараг л өөр газарт орж, төөрчихсөн мэт санагдаж байгаагаа мэдэрлээ. Би амьсгалж чадахгүй байсан. Би зүгээр л сандарсан ч энэ хонгил шиг хашаанд орсны дараа амьсгалах шаардлагагүй болсон. Энэ хачин мэдрэмж байсан ч би зүгээр байлаа.

Дараа нь Кэт Дон болон амьд үлдсэн хоёр хүү нь доор бороонд гэрлийн шонгийн дэргэд түүнийг нас барсанд уйлж байгааг харжээ. Тэр тэдэнд зүгээрээ гэж хэлэхийг оролдсон боловч тэд түүнийг сонссонгүй. Тэгээд тэр зүүн талд нь өөрт нь маш их санаа зовсон дөрвөн хүний ​​дүрс зогсож байхыг харжээ. Бид тэдний хажуугаар өнгөрч, энэ хонгил руу гүн ороход, би бүрэн биш ч амар амгаланг мэдэрч, сониучирхсан. Гэнэт яг дээрээс минь ачааны галт тэрэг ирж байгаа мэт аймшигтай чимээ сонсогдлоо. Энэ нь яг л миний голоор цагт 100 бээр [160 километр] хурдтай давхиж буй аварга том олс шиг санагдсан. Гэнэт л энэ зогсчихсон. “Бурхан гэж байдаггүй.” гэсэн бодол надад төрөв. Дараа нь би дэлхий дээр ямар ч эргэлзээгүйгээр Бурхан оршин байдгийг мэдсэн. Өөрөөр хэлбэл, би мэддэг гэдгээ мэдэж байсан. Энэ бол хамгийн гайхалтай мэдрэмж байсан.

Кэт амьдралынхаа ихэнх хугацаанд шашингүй үзэлтэн байжээ. Маркийг нас барахад тэр Бурханыг харааж, Түүний тухай бодохоос ч үзэн яддаг байв. Би Бурханыг бүх талаар нь үгүйсгэсэн. Би Бурханыг хараасан. “Бурханд миний хүү ямар хэрэгтэй гэж? Та нарын ярьдаг энэ Есүс, Тэр юу хийсэн юм бэ? Бид ядуу амьдарч байсан, найдваргүй, идэх хоолгүй амьдарсаар ирсэн, насан туршдаа ийм л байсан.” Тиймээс би Бурханыг үзэн ядаж байлаа. Бурхан оршин байдагт би огт итгэдэггүй байсан тул Түүний тухай бодлыг үзэн яддаг байлаа.

Тэгтэл тэр чимээ дахин сонсогдож, цээжээр минь татан оруулав. “Диваажин гэж байдаггүй юм байна.” гэсэн бодол надад төрсөн. Гэнэт л би Диваажин оршин байдгийг, энэ бол жинхэнэ газар гэдгийг мэдсэн. Бурхан, Диваажин бодитой. Тэр үед надад ирсэн энэ амар амгалан, энэ бялхсан амар амгалан нь миний амьдралдаа хэзээ ч мэдэрч байгаагүй зүйл байлаа. Энэ үнэхээр гайхалтай байсан, амьдралдаа мэдэрч байсан энэхүү тайлбарлахын аргагүй хэт их баяр хөөр, амар амгалан, догдлол, сайхан мэдрэмж бүхэн сая дахин өссөн байсан. Би гайхалтай гэрэл харсан бөгөөд бид түүн рүү чиглэн явж байлаа. Би Бурхан оршдог, Диваажин оршдог гэдгийг мэдэж, тийшээ явж буйгаа мэдэж байсан. Нөхөр, хөвгүүдээ орхих тухай бодол огт хамаагүй болсон байв. Энэ газар хүрэхээс өөр юу ч чухал биш байлаа.

Гэвч дараа нь бүх зүйл зогссон. Энэ чимээ дахин гарч, цээжээр минь татан, зогсов. Би: “Там байдаг” гэдгийг мэдсэн. Гэнэт миний доор шал тэр чигтээ алга болов. Би там гэж мэдсэн зүйл рүүгээ унаж эхэлсэн. Мөн би тэнд байх ёстойгоо мэдэж байсан. Би Бурханыг гүтгэж байснаа, энэ Бурханыг үзэн яддаг байснаа, энд очих нь миний сонголт байсан гэдгийг мэдэж байсан. Бурхан намайг тийшээ илгээгээгүйг би мэдэж байсан. Бурхан хэнийг ч там руу илгээдэггүй, энэ нь Бурханыг үгүйсгэдэг хүмүүст зориулагдсан. Бидний хүсэл үргэлж Бүтээгчээ эрэлхийлэх ёстой. Тиймээс би үүн рүү унаж байхдаа хэзээ ч ёроолд нь хүрэхгүй, хэн ч намайг эндээс аварч чадахгүйг мэдэж байсан. Мөн би: "Бурхан намайг энд байгааг ч мэдэхгүй, би бүхнээс, Бурханаас ч хүртэл бүрэн тусгаарлагдсан гэж би бодож байна.” гэж санагдсан.

Кэт Бурханаас өршөөл эржээ. Мэдээж би энэ бүх хугацаанд Бурханаас зүгээр л уйлан гуйж: "Бурхан минь, би Таны оршин байгааг мэднэ. Намайг уучлаач. Намайг өршөөгөөч, Эзэн минь.” гэж байлаа. Би Бурханд хандан ингэж хашхирч байсан ч надад байсан найдваргүй байдал л тэнд байсан бөгөөд энэ нь мөнх гэдгийг би мэдэж байсан. Би Бурханд хандан хашхирч байтал гэнэт бүх зүйл зогсчихсон. Би арагш хөдөлж, хонгил руу, хонгилын эхлэл байсан газар руу буцан явж эхлэв. “Хүмүүсийг Над дээр авчир” гэж надад маш тодорхой хэлэх дуу хоолойг би сонссон. Тэгээд би энэ зүйлээр дамжин буцан ирж, мэс заслын өрөөнд буцаж ирж байгаагаа мэдэрсэн. Амьдрах хүсэл надад буцаж ирэхийг би мэдэрсэн. Би мэдээ алдуулалтаас сэрээд, “Бурхан бол жинхэнэ! Бурхан бол жинхэнэ!” гэж хашхирсан.

50 гаруй жилийн дараа ч Кэт тэр захиасыг хуваалцсаар байна. Тэр сүмд явж, байнга залбирч эхэлжээ. Юу ч түүнд өмнөх шигээ нөлөөлөхөө больсон байна. Тэр Донтой хамт автомашины салбарт хэрэглэгчийн сэтгэл ханамжийн бизнес эхлүүлсэн нь тухайн үед сонсогдоогүй зүйл байсан ба маш амжилттай болжээ. Тэдний гэрлэлтийн шарх аньж, хөвгүүд нь Эзэнтэй хамт алхдаг болжээ.

Үндэслэлтэй клиник үхэлд орж байсан миний мэдэх бараг бүх хүн зорилготой буцаж ирдэг. Миний зорилго бол хүмүүсийг Эзэн рүү аваачих, тиймээс сайн мэдээ түгээх хүсэл минь намайг хөдөлгөдөг. Энэ бол миний хийхийг үнэхээр хүсэж буй бүхэн. Маш олон гайхалтай хүмүүс тун муугаар зовж шаналж байна. Тэдэнд Бурханы өгч чадах итгэл найдвар хэрэгтэй байгаа ч тэд над шиг л уурладаг. Эсвэл тэд итгэхийг оролдсон ч энэ нь зүгээр л болдоггүй. Би зүгээр л: “Хичээсээр байгаарай. Бурхан таны төлөө байгаа.” гэж хэлэх хэрэгтэй болдог. Үүнээс илүү чухал зүйл үгүй. Амьдралаа Христ рүү эргүүлээд, хуучин хэвээрээ үлдсэн ямар ч хүнийг мэдэхгүй гэдгээ би итгэлтэй хэлж чадна. Тэд бүгд өөрчлөгдсөн, бүгд сэргэсэн, тэд өөр хүмүүс болсон.

Эдгээр бэрхшээлүүд биднийг хүчирхэг болгодог зүйл, эдгээр бэрхшээлүүд биднийг хэн болохыг тодорхойлдог зүйл юм. Миний мэдэхийн, асар их бэрхшээлийг туулсан хүмүүсийн ихэнх нь амьдралдаа ялагч болдог гэдгийг би мэднэ. Тэд сэтгэл хангалуун байдаг, тэд эдгээр аймшигтай нөхцөл байдлыг, зарим нь минийхээс хамаагүй дор байдлыг даван туулаад, эдгээр гайхамшигтай хүмүүс болж өөрчлөгддөг. Сорилтуудаа боломж гэж харж, түүнийгээ ашиглан, Бурханы хүссэн хүн болон өсөж хөгж. Тэр чамайг аз жаргалтай байгаасай гэж хүсдэг. Бидний ихэнхдээ: “Бурхан минь, Таны хүсэл биелэг” гэж залбирах ёстой бөгөөд түүндээ итгэ. (Тэсвэр тэвчээрийн тухай түүхүүд)